‘ज्येष्ठ हेच आपले खरे मार्गदर्शक’: नगरसेविका पूजा पवार यांनी घरोघरी जाऊन जपले आपुलकीचे नाते
रत्नागिरी : ज्या व्यक्तींनी आपल्याला घडवले आणि ज्यांचे मार्गदर्शन आयुष्यात नेहमीच दिशादर्शक ठरले, त्यांच्याविषयी कृतज्ञता व्यक्त करणे हा गुरुपौर्णिमेचा खरा उद्देश असतो. याच गुरुपौर्णिमेचे औचित्य साधून रत्नागिरी शहरात विविध कार्यक्रमांचे आयोजन करण्यात आले होते. प्रत्येकजण आपापल्या परीने गुरूंप्रती आदर व्यक्त करत असतानाच, प्रभाग क्रमांक ५ ‘अ’ च्या धडाडीच्या नगरसेविका सौ. पूजा दीपक पवार यांनी मात्र अत्यंत अनोख्या आणि कौतुकास्पद उपक्रमाद्वारे गुरुपौर्णिमा साजरी केली आहे.
नगरसेविका पूजा पवार यांनी प्रभागातील घरोघरी जाऊन तेथील ज्येष्ठ नागरिकांची आवर्जून भेट घेतली, त्यांच्याशी आपुलकीने संवाद साधला आणि त्यांना फुलझाडाचे रोप भेट देऊन त्यांच्या मार्गदर्शनाबद्दल कृतज्ञता व्यक्त केली.
ज्येष्ठांशी संवाद आणि अडचणी जाणून घेण्याचा प्रयत्न
गुरुपौर्णिमेच्या या विशेष उपक्रमादरम्यान सौ. पूजा पवार यांनी केवळ शुभेच्छा देऊन न थांबता, प्रभागातील ज्येष्ठ नागरिकांचे अनुभव, त्यांची मते आणि त्यांना भेडसावणाऱ्या अडचणी सविस्तरपणे जाणून घेतल्या. वयोवृद्धांच्या मार्गदर्शनाचा आणि अनुभवाचा फायदा प्रभागाच्या विकासासाठी कसा करता येईल, यावरही त्यांनी चर्चा केली.
पर्यावरणाचा संदेश आणि रोपट्यांचे वाटप
ज्येष्ठ नागरिकांना सन्मानपूर्वक फुलझाडाचे रोप भेट देण्यात आले. या उपक्रमामुळे एकीकडे ज्येष्ठांचा आदर-सन्मान झाला, तर दुसरीकडे पर्यावरण संवर्धनाचा सुंदर संदेशही समाजात गेला. नगरसेविका पूजा पवार यांच्या या संवेदनशील आणि नाविन्यपूर्ण उपक्रमाचे प्रभागातील नागरिकांनी अत्यंत उत्साहाने व मनापासून स्वागत केले.
“उद्योगमंत्री उदयजी सामंत आणि आमदार किरणजी सामंत यांच्या मार्गदर्शनातून आणि प्रेरणेतूनच मला अशा सामाजिक व नावीन्यपूर्ण उपक्रमांची ऊर्जा मिळते.” — सौ. पूजा दीपक पवार (नगरसेविका, प्रभाग क्र. ५ ‘अ’, रत्नागिरी)
प्रभागात कौतुकाचा वर्षाव
नेहमीच्या औपचारिक कार्यक्रमांपेक्षा वेगळा ठरलेला हा उपक्रम रत्नागिरी शहरात चर्चेचा विषय बनला आहे. आपल्या प्रभागातील ज्येष्ठांनाच गुरूचे स्थान देऊन त्यांचा सन्मान करण्याच्या या कृतीमुळे सौ. पूजा दीपक पवार यांच्यावर सर्व स्तरांतून कौतुकाचा वर्षाव होत आहे.
