सोनी मराठीवर सुरू होणार नवे पर्व; ‘आता खेळ बदलणार’ म्हणत माधुरी दीक्षित प्रेक्षकांच्या भेटीला
मुंबई:
Madhuri Dixit Host Kon Honaar Crorepati बाबत मराठी मनोरंजनविश्वातून (Marathi Entertainment World) एक अत्यंत मोठी बातमी समोर आली आहे. सोनी मराठी (Sony Marathi) वाहिनी आणि Sony LIV वरील प्रेक्षकांचा ज्ञानावर आधारित अत्यंत लोकप्रिय कार्यक्रम ‘कोण होणार करोडपती’च्या (Kon Honaar Crorepati) नव्या पर्वाची घोषणा अधिकृतपणे करण्यात आली आहे. विशेष म्हणजे, या नव्या पर्वातून महाराष्ट्राची लाडकी लेक आणि पद्मश्री पुरस्काराने सन्मानित प्रसिद्ध अभिनेत्री माधुरी दीक्षित (Actress Madhuri Dixit) सूत्रसंचालिकेच्या (Host) भूमिकेत प्रेक्षकांच्या भेटीला येणार आहेत.
गेली अनेक दशके आपल्या अभिनय आणि सौंदर्याने रसिकांच्या मनावर अधिराज्य गाजवणाऱ्या माधुरी दीक्षित यांच्या आगमनामुळे या प्रतिष्ठित कार्यक्रमात एका नव्या अध्यायाची सुरुवात होत आहे. नव्या विचारांचा, नव्या ऊर्जेचा आणि नव्या स्वप्नांचा हा प्रवास असणार असून यंदा ‘आता खेळ बदलणार’ ही नवी संकल्पना पाहायला मिळणार आहे.
Madhuri Dixit Host Kon Honaar Crorepati: ज्ञानाच्या बळावर सामान्य माणसाच्या स्वप्नांना नवी दिशा
‘कोण होणार करोडपती’ या कार्यक्रमाने मराठी प्रेक्षकांच्या मनात नेहमीच एक विशेष स्थान निर्माण केले आहे. ज्ञानाच्या बळावर सामान्य माणूस आपली असामान्य स्वप्ने कशी पूर्ण करू शकतो, याचा एक प्रेरणादायी प्रवास या मंचावर पाहायला मिळतो. जिद्द, चिकाटी आणि ‘एका संधीमुळे संपूर्ण आयुष्य बदलू शकते’ या विश्वासाचा हा सोहळा असतो.
माधुरी दीक्षित यांच्या येण्याने नवा दृष्टिकोन व नवी ऊर्जा!
ज्ञानाची आणि स्वप्नांची परंपरा कायम असली तरी यंदाच्या पर्वात अभिनेत्री माधुरी दीक्षित यांच्या खास शैलीमुळे मंचावर नवा दृष्टिकोन, नवी ऊर्जा आणि वेगळा उत्साह अनुभवायला मिळणार आहे. प्रत्येक प्रश्नातून आयुष्य बदलण्याची संधी निर्माण करणारा हा कार्यक्रम यंदाही प्रेरणांचा, आशांचा आणि नव्या शक्यतांचा उत्सव ठरणार आहे.
हा ज्ञानवर्धक व रंजक कार्यक्रम प्रेक्षकांना सोनी मराठी (Sony Marathi) वाहिनीवर आणि Sony LIV या डिजिटल प्लॅटफॉर्मवर पाहता येणार आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
12:50 11-08-2026
