मंडणगड पोलिसांची छकुली देशी बार व वाईन्स परिसरात धाड; महाराष्ट्र दारूबंदी कायद्यांतर्गत कारवाई
मंडणगड :
Mandangad Illegal Liquor प्रकरणी पोलिसांनी मोठी कारवाई करत सार्वजनिक ठिकाणी बेकायदेशीरपणे देशी दारूची विक्री करणाऱ्या एका ५८ वर्षीय व्यक्तीवर गुन्हा दाखल केला आहे. मंडणगड तालुक्यातील छत्रपती चौक परिसरातील मुख्य रस्त्यावर ही कारवाई करण्यात आली. १२ ऑगस्ट रोजी सायंकाळी ६.३० वाजेच्या सुमारास पोलिसांनी हा छापा टाकला.
तिडे येथील ५८ वर्षीय संशयितावर पोलिसांची कारवाई
पोलीस सूत्रांनी दिलेल्या माहितीनुसार, प्रकाश बबन काटेकर (वय ५८, रा. तिडे, ता. मंडणगड) असे गुन्हा दाखल झालेल्या संशयिताचे नाव आहे. छत्रपती चौक परिसरातील छकुली देशी बार व वाईन शॉपजवळील सार्वजनिक रस्त्यावर आरोपी देशी दारूची विक्री करण्याच्या उद्देशाने संशयितरीत्या वावरताना आढळून आला.
महाराष्ट्र दारूबंदी कायदा कलम ८४ अन्वये गुन्हा नोंद
याप्रकरणी मंडणगड पोलीस ठाण्यात आरोपी प्रकाश काटेकर याच्याविरोधात महाराष्ट्र दारूबंदी कायदा कलम ८४ अन्वये गुन्हा दाखल करण्यात आला आहे. या कारवाईत जप्त केलेल्या मुद्द्यामालाची किंमत निरंक असल्याचे पोलीस नोंदीत नमूद करण्यात आले आहे. शहरातील मुख्य चौक व बार परिसरातील बेकायदेशीर हालचालींवर पोलिसांची करडी नजर असून पुढील तपास मंडणगड पोलीस करत आहेत.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
11:18 14-08-2026
