रिझर्व्ह बँकेच्या अहवालानुसार गुंतवणुकीत महाराष्ट्र देशात अव्वल; निष्क्रिय कंपन्या बंद होण्याच्या केंद्राच्या प्रक्रियेवर पालकमंत्र्यांनी स्पष्ट केली वस्तुस्थिती
रत्नागिरी:
Uday Samant Ratnagiri Press Conference मध्ये राज्यातील उद्योग क्षेत्राचे स्थलांतर आणि कंपन्या बंद पडण्यावरून सुरू असलेल्या राजकीय आरोपांवर राज्याचे उद्योगमंत्री उदय सामंत यांनी पत्रकार परिषदेत सडेतोड भूमिका मांडली आहे. विरोधकांकडून केला जाणारा हा दावा पूर्णपणे दिशाभूल करणारा आणि केवळ राजकीय स्टंट आहे, प्रत्यक्षात महाराष्ट्रातून एकही कंपनी बाहेर गेलेली नाही, असे स्पष्ट मत त्यांनी व्यक्त केले. रिझर्व्ह बँक ऑफ इंडियाच्या (RBI) अधिकृत अहवाल्याचा दाखला देत गुंतवणुकीच्या बाबतीत महाराष्ट्र आजही संपूर्ण देशात पहिल्या क्रमांकावर आहे, असे त्यांनी ठामपणे नमूद केले.
कागदोपत्री निष्क्रिय कंपन्यांची ऑटोमॅटिक बंदी आणि आकडेवारी
केंद्राच्या नियमांनुसार चालत नसलेल्या व कागदोपत्री निष्क्रीय असणाऱ्या कंपन्या स्वयंचलितरीत्या बंद होण्याची प्रक्रिया पार पडत असल्याचे सांगत उद्योगमंत्र्यांनी खरी वस्तुस्थिती समोर आणली. केंद्रीय मोहिमेअंतर्गत देशभरात ३६,२११ कंपन्या बंद झाल्या असल्या, तरी २०१५-१६ मधील ६ लाख ७८ हजार ७६८ वरून मोदी सरकारच्या काळात नोंदणीकृत कंपन्यांची संख्या २१ लाख १७ हजार ४४७ वर पोहोचली आहे. यापैकी एकट्या महाराष्ट्रात ३ लाख ९६ हजार २११ कंपन्या सक्रिय आहेत. त्यामुळे राज्यातील उद्योग बुडाले नसून केवळ कागदावर न चालणाऱ्या कंपन्या बंद झाल्या आहेत, हे स्पष्ट होते.
Uday Samant Ratnagiri Press Conference: महत्त्वाचे मुद्दे
गुंतवणुकीत महाराष्ट्र अव्वल: मागील चार वर्षांत परकीय गुंतवणूक (FDI) आणि एकूण गुंतवणुकीमध्ये महाराष्ट्र देशात प्रथम स्थानी आहे; हा आरबीआयचा अधिकृत अहवाल आहे.
चाकण परिसरातील रस्ते विकास: चाकण एमआयडीसी हद्दीतील रस्त्यांच्या कामांसाठी भरीव निधी मंजूर झाला असून, डिसेंबर २०२७ पर्यंत सर्व कामे पूर्ण केली जातील.
स्वातंत्र्य दिनाचे विशेष उपक्रम: रत्नागिरीत दरवर्षी १४ ऑगस्ट रोजी मारुती मंदिर ते जयस्तंभ अशी भव्य तिरंगा रॅली निघेल आणि १५ ऑगस्ट रोजी माजी सैनिकांचा गौरव केला जाईल.
विरोधकांच्या टीकेला उत्तर आणि विकासावर भर
गडचिरोलीसह विविध भागांतील औद्योगिक प्रकल्पांची कोणतीही वस्तुस्थिती न समजता केवळ पत्रकार परिषदा घेऊन टीका करणाऱ्या विरोधकांवर त्यांनी जोरदार ताशेरे ओढले. ज्येष्ठ नेते शरद पवार यांच्या सूचनेला उत्तर देणे आणि त्यांचे समाधान करणे हे आपले कर्तव्य मानतो, असे सांगून इतर राजकीय चिखलफेकीकडे दुर्लक्ष करत केवळ राज्याच्या प्रगतीवर व औद्योगिक विकासावर आपला पूर्ण भर असल्याचे मंत्री उदय सामंत यांनी शेवटी स्पष्ट केले.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
13:00 17-08-2026
