बँक ऑफ इंडिया अंचल कार्यालय आणि जिल्हा बँकर्सतर्फे आयोजन; सरकारी कार्यालये आणि विविध बँकांच्या कर्मचाऱ्यांचा उत्स्फूर्त प्रतिसाद
रत्नागिरी: नगर राजभाषा कार्यान्वयन समिती अंतर्गत ‘घरोघरी तिरंगा’ अभियानाच्या जनजागृतीसाठी रत्नागिरी शहरात तिरंगा बाइक रॅलीचे भव्य आयोजन करण्यात आले. ही बाइक रॅली शहरातील शिवाजीनगर ते जयस्तंभ आणि पुन्हा शिवाजीनगर अशा मार्गावर काढण्यात आली. बँक ऑफ इंडियाचे अंचल कार्यालय तथा जिल्हा बँकर्सच्या वतीने या रॅलीचे यशस्वी आयोजन करण्यात आले होते.
३० कार्यालयांचा सहभाग; १७५ पेक्षा अधिक कर्मचाऱ्यांची उपस्थिती
नगर राजभाषा कार्यान्वयन समितीत केंद्र सरकारी कार्यालये, बँका, विमा कंपन्या तसेच अन्य ३० कार्यालयांचा समावेश आहे. लीड बँकेच्या अंतर्गत आरडीसीसी (RDCC) आणि इतर बँक कार्यालये या अभियानात सक्रियपणे सहभागी झाली होती. या तिरंगा बाइक रॅलीमध्ये १७५ पेक्षा अधिक अधिकारी व कर्मचाऱ्यांनी उत्स्फूर्तपणे सहभाग नोंदवला.
वरिष्ठ अधिकाऱ्यांचे प्रोत्साहन आणि विविध विभागांचे योगदान
बँक ऑफ इंडियाचे आंचल्रिक प्रबंधक नरेंद्र रघुनाथ देवरे आणि उपआंचल्रिक प्रबंधक अंजनी कुमार सिंह आझाद यांनी रॅलीला हिरवा झेंडा दाखवून कर्मचाऱ्यांना प्रोत्साहित केले. या प्रसंगी अग्रणी जिल्हा व्यवस्थापक (LDM) दर्शन कानसे तसेच समितीचे सदस्य सचिव रमेश गायकवाड यांच्यासह बँक ऑफ इंडियाच्या सर्व स्टाफने विशेष योगदान दिले.
या अभियानात जिल्ह्यातील सर्व बँकर्स, भारतीय तटरक्षक वायु अवस्थान, तटरक्षक कार्यालय, आयकर विभाग, न्यू इंडिया एश्युरन्स कंपनी, डीजीपीएस कार्यालय, विविध विमा कंपन्या आणि डाक कार्यालयाचे कर्मचारी मोठ्या संख्येने आणि उत्साहाने सहभागी झाले होते.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
12:11 18-08-2026
