केळस्कर नाक्याजवळ सार्वजनिक शांततेचा भंग; पोलीस कॉन्स्टेबलच्या तक्रारीवरून मध्यरात्री कारवाई
दापोली: दापोली शहरातील केळस्कर नाक्याजवळ रस्त्याच्या बाजूला उघड्यावर मद्यप्राशन करून मोठ्याने आरडाओरड करत सार्वजनिक शांततेचा भंग करणाऱ्या चार तरुणांवर दापोली पोलीस ठाण्यात गुन्हा दाखल करण्यात आला आहे. ही धडक कारवाई १६ ऑगस्ट रोजी मध्यरात्री १.३० वाजण्याच्या सुमारास करण्यात आली.
केळस्कर नाक्याजवळ मध्यरात्रीचा प्रकार; पोलिसांनी रंगेहात पकडले
दापोली पोलीस ठाण्याचे पोलीस कॉन्स्टेबल कृष्णा भाऊसाहेब चौधरी (वय ३४) यांनी दिलेल्या फिर्यादीवरून ही कारवाई करण्यात आली आहे.
पोलीस पथक गस्तीवर असताना केळस्कर नाक्याजवळ चार तरुण रस्त्याच्या बाजूला बसून मद्यप्राशन करताना आढळले. हे तरुण दारूच्या नशेत मोठ्याने आरडाओरड करत, गैरवर्तन आणि हातवारे करून सार्वजनिक ठिकाणी शांततेचा भंग करत असल्याचे पोलिसांच्या निदर्शनास आले.
संशयित आरोपींची नावे:
- आदिनाथ मिलिंद पवार (वय २३, रा. जालगाव सुतारवाडी, दापोली)
- शुभम भगवान मिसाळ (वय २५, रा. चंद्रनगर मळेवाडी, दापोली)
- कृष्णा अर्जुन पाटील (वय २४, रा. हर्णे ख्रिश्चनवाडी, दापोली)
- सुनील अर्जुन पाटील (वय २६, रा. हर्णे ख्रिश्चनवाडी, दापोली)
विविध कलमांन्वये कारवाई
सार्वजनिक ठिकाणी मद्यप्राशन करून धिंगाणा घालणाऱ्या या चौघांविरुद्ध पोलिसांनी महाराष्ट्र दारूबंदी कायदा कलम ८५(१), (२) तसेच महाराष्ट्र पोलीस अधिनियम १९५१ मधील कलम ११० व ११७ अन्वये गुन्हा दाखल केला आहे. या प्रकरणाचा पुढील अधिक तपास दापोली पोलीस करत आहेत.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
12:28 18-08-2026
