१२ राशींचे आजचे सविस्तर राशीभविष्य
मुंबई : विशेष प्रतिनिधी
वैदिक पंचांगानुसार आज २४ ऑगस्ट २०२६ रोजी श्रावण महिन्यातील अत्यंत पवित्र असा सोमवार आहे. हा दिवस देवांचे देव महादेवाला समर्पित मानला जातो. ज्योतिषशास्त्रानुसार आज ग्रहांच्या विशेष हालचालींमुळे आणि दुर्मीळ संयोगामुळे हा दिवस अनेक राशींसाठी अत्यंत लाभदायक ठरणार आहे. भगवान शंकराच्या कृपेने १२ राशींच्या जातकांसाठी आजचा दिवस कसा राहील, याचा सविस्तर आढावा खालीलप्रमाणे:
१. मेष रास (Aries) मेष राशीच्या लोकांसाठी आजचा दिवस शरीराला अवाजवी त्रास न देता, सहज शक्य होईल तेवढेच काम करण्याचा आहे. विशेषतः महिलांनी कामाचे योग्य नियोजन करून आवश्यक तोच वेळ द्यावा, कारण तेच तुमच्या यशाचे सूत्र ठरेल.
२. वृषभ रास (Taurus) प्रत्येक गोष्टीत हिशेबी वृत्ती ठेवून चालत नाही, याची जाणीव आज तुम्हाला होईल. लेखक आणि साहित्य क्षेत्रातील व्यक्तींच्या कल्पनाशक्तीला आज नवा बहर येईल.
३. मिथुन रास (Gemini) हाता-तोंडाशी आलेल्या संधी नकळत हातातून निसटण्याची शक्यता आहे. अशा वेळी परिस्थितीचा स्वीकार करून शांत राहणे हिताचे ठरेल.
४. कर्क रास (Cancer) ‘कामाच्या वेळी काम आणि आरामाच्या वेळी आराम’ हे सूत्र पाळल्यास आरोग्य उत्तम राहील. आरोग्याबाबत निष्काळजीपणा करणे टाळा.
५. सिंह रास (Leo) अभ्यास करणाऱ्यांना आज उत्तम यशाचे समाधान लाभेल. अडचणीच्या प्रसंगी मित्रांना मदतीचा हात पुढे कराल, ज्यामुळे मान-सन्मान वाढेल.
६. कन्या रास (Virgo) नोकरी आणि व्यवसायामध्ये आज नवीन कल्पना राबवाल. तुमच्या या नाविन्यपूर्ण योजना सहकाऱ्यांना आणि आजूबाजूच्या लोकांनाही खूप पसंत पडतील.
७. तूळ रास (Libra) व्यापारात आज फायद्याचे प्रमाण वाढण्याची शक्यता आहे. महिला बौद्धिक व सर्जनशील क्षेत्रात विशेष चमक दाखवतील.
८. वृश्चिक रास (Scorpio) कौटुंबिक स्तरावर थोडे भावनिक संघर्ष अनुभवायला मिळतील. घरामध्ये नको त्या व्यक्तींवर किंवा अनावश्यक बाबींवर खर्च करावा लागू शकतो.
९. धनु रास (Sagittarius) ज्यांच्याकडून जास्त अपेक्षा ठेवाल, त्यांच्याकडून अपेक्षाभंगाचे दुःख पदरात पडण्याची शक्यता आहे. स्वतःच्या कर्तृत्वावर विश्वास ठेवा.
१०. मकर रास (Capricorn) हातचे सोडून पळत्याच्या मागे धावल्यास हाती काहीच लागणार नाही, हे लक्षात ठेवा. आज वडिलांच्या तब्येतीची विशेष काळजी घेणे गरजेचे आहे.
११. कुंभ रास (Aquarius) आज अचानक धनखर्च होण्याची शक्यता आहे. शेजाऱ्यांच्या विक्षिप्त वागण्यामुळे थोडा मनस्ताप सहन करावा लागू शकतो.
१२. मीन रास (Pisces) संतती आणि तुमच्या विचारांमध्ये तफावत राहिल्याने मतभेद होऊ शकतात. आज तुमचे मन काहीसे चंचल राहण्याची शक्यता आहे.
(टीप : वरील सर्व बाबी रत्नागिरी खबरदार केवळ माहिती म्हणून वाचक-प्रेक्षकांपर्यंत पोहोचवत आहे. यातून रत्नागिरी खबरदार कोणताही दावा करत नाही.)
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
11:39 24-08-2026
