चाकरमान्यांच्या गर्दीचे नियोजन करण्यासाठी आगार प्रशासनाला दिलासा
गुहागर : प्रतिनिधी
आगामी गणेशोत्सवाच्या पार्श्वभूमीवर गुहागर एसटी आगाराला उत्सवापूर्वी १० नव्या ‘जिजाऊ’ बस उपलब्ध होणार आहेत। यामुळे गणेशोत्सवात कोकणात येणाऱ्या चाकरमान्यांची व प्रवाशांची वाढती गर्दी लक्षात घेता जादा बसफेऱ्या सोडण्यासाठी तसेच लांब पल्ल्याच्या मार्गांवरील वाहतूक सेवा अधिक सक्षम करण्यासाठी मोठा हातभार लागणार आहे।
जुन्या गाड्यांच्या समस्येतून काही प्रमाणात सुटका गुहागर आगाराला यापूर्वी काही लालपरी बस मिळाल्याने लांब पल्ल्याच्या मार्गांवर सेवा देणे शक्य झाले होते। मात्र, गेल्या काही काळापासून आगारातील अनेक गाड्या जुन्या झाल्याने दैनंदिन वाहतुकीवर त्याचा परिणाम होत होता। विशेषतः ग्रामीण भागातील regular वस्तीच्या फेऱ्या चालवताना उपलब्ध गाड्यांचा वापर करावा लागत असल्याने नव्या व दर्जेदार गाड्यांची गरज निर्माण झाली होती। बसच्या अभावामुळे बंद करण्यात आलेल्या काही महत्त्वाच्या लांब पल्ल्याच्या फेऱ्या आता या १० नवीन जिजाऊ बस उपलब्ध झाल्यामुळे पुन्हा पूर्ववत सुरू करणे शक्य होणार आहे।
गणेशोत्सवातील अतिरिक्त ताण होणार कमी गणेशोत्सवाच्या काळात मुंबई, पुणे व इतर शहरांमधून मोठ्या संख्येने चाकरमानी गुहागर तालुक्यात दाखल होतात, ज्यामुळे एसटी वाहतुकीवर प्रचंड ताण येतो। दरवर्षी या काळात जादा फेऱ्या नियोजित केल्या जातात, मात्र स्थानिक पातळीवर गाड्यांची संख्या अपुरी पडल्याने इतर आगारांतून अतिरिक्त बस मागवाव्या लागत असत। आता स्वमालकीच्या नव्या १० जिजाऊ बस दाखल होणार असल्याने गुहागर आगाराच्या वाहतूक व्यवस्थेला मोठे बळ मिळणार असून प्रवाशांचा प्रवास सुखकर होणार आहे।
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
12:53 24-08-2026
