मुलांच्या व मुलींच्या वसतिगृहासाठी स्वमालकीची जागा आणि सुसज्ज इमारती उभारण्याची मागणी
चिपळूण:
Chiplun Government Student Hostel Fund Demand आणि विद्यार्थ्यांच्या निवासाचा प्रश्न पुन्हा एकदा ऐरणीवर आला आहे. महाराष्ट्र शासनाच्या सामाजिक न्याय व विशेष सहाय्यता विभागाच्या वतीने चिपळूण शहर व परिसरात भारतरत्न डॉ. बाबासाहेब आंबेडकर शासकीय मुलांचे तसेच सावित्रीबाई फुले शासकीय मुलींचे वसतिगृह स्वमालकीच्या जागेत आणि स्वतंत्र अत्याधुनिक सुविधांसह नव्याने उभारण्यात यावे, यासाठी शासनाने तातडीने निधी मंजूर करावा, अशी मागणी चिपळूण तालुका बौद्धजन हितसंरक्षक समितीच्या वतीने करण्यात आली आहे. यासंदर्भात राज्याचे सामाजिक न्यायमंत्री संजय शिरसाट यांना चिपळूण प्रांत अधिकारी यांच्यामार्फत मंगळवारी निवेदन देण्यात आले.
भाड्याच्या इमारतीतील गैरसोयींमुळे वसतिगृह बंद पडण्याच्या स्थितीत
Chiplun Government Student Hostel Fund Demand आणि निवेदनातील समस्या
निवेदनात नमूद केल्यानुसार, सामाजिक न्याय विभागाच्या वतीने चिपळूण येथील खेर्डी उपनगरात चालवले जाणारे भारतरत्न डॉ. बाबासाहेब आंबेडकर शासकीय मुलांचे वसतिगृह अनेक दिवस भाड्याच्या इमारतीत चालवले जात होते. मात्र, विविध मूलभूत असुविधांनी हे वसतिगृह ग्रस्त असल्याने त्याचा थेट परिणाम विद्यार्थी संख्येवर झाला आणि हे शासनमान्य वसतिगृह बंद पडण्याच्या स्थितीत गेले.
आता हे वसतिगृह पुन्हा भाड्याच्या जागेत सुरू करण्याचा प्रयत्न समाजकल्याण विभागाच्या वतीने केला जात आहे. मात्र, भाड्याच्या जागेऐवजी कायमस्वरूपी मार्ग काढावा, अशी मागणी समितीने केली आहे.
खेर्डी, एमआयडीसी किंवा नगरपालिकेची जमीन उपलब्ध करून देण्याची मागणी
चिपळूण शहर अथवा परिसरातील खेर्डी उपनगर, एमआयडीसी परिसर किंवा नगरपालिका परिसरातील शासकीय जमीन या प्रकल्पासाठी उपलब्ध करून देण्यात यावी. तेथे मुलांसाठी आणि मुलींसाठी स्वतंत्र व सुसज्ज वसतिगृहाच्या इमारती उभ्या केल्या जाव्यात, अशी ठाम मागणी निवेदनातून करण्यात आली आहे.
निवेदन देतेवेळी चिपळूण तालुका बौद्धजन हितसंरक्षक समितीचे सरचिटणीस संदेश पवार, शिक्षण समितीचे अध्यक्ष विलास सकपाळ गुरुजी, न्यायदान कमिटीचे माजी अध्यक्ष दिलीप मोहिते आदी पदाधिकारी उपस्थित होते. या निवेदनाच्या प्रती राज्याचे पालकमंत्री उदय सामंत, रत्नागिरीचे जिल्हाधिकारी, समाज कल्याण आयुक्त तसेच समाज कल्याण अधिकारी यांनाही पाठवण्यात आल्या आहेत.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
14:35 05-09-2026
