स्थानिक बोलीभाषांचे संवर्धन आणि समृद्धीसाठी विविध सत्रांत मौलिक विचारमंथन
चिपळूण:
Chiplun Boli Bhasha Sammelan आणि स्थानिक लोकसंस्कृतीच्या जतन-संवर्धनाचा संदेश देणारे रत्नागिरी जिल्हा बोलीभाषा संमेलन चिपळूणात मोठ्या उत्साहात पार पडले. मराठी साहित्य परिषद चिपळूण शाखा, विभा अरविंद ग्रंथालय चिपळूण आणि श्रीराम एज्युकेशन सोसायटीचे मोतीवाले परांजपे हायस्कूल यांच्या संयुक्त विद्यमाने या एकदिवसीय संमेलनाचे आयोजन करण्यात आले होते.
बोलीभाषेतील शब्द व्यवहारात आणण्याचे आवाहन
Chiplun Boli Bhasha Sammelan आणि प्रमुख वक्त्यांचे विचार
संमेलनाचे उद्घाटन यास्मिन शेख यांच्या हस्ते प्रतिमा पूजनाने झाले. सूत्रसंचालन प्रा. विकास मेहेंदळे यांनी केले, तर प्रास्ताविक प्राचार्य विजय कुलकर्णी यांनी मांडले. संमेलनाचे अध्यक्ष प्रा. संतोष गोणबरे यांनी बोलीभाषेचे महत्त्व, भाषेतील विविध शब्द आणि उच्चार यावर सविस्तर प्रकाश टाकला.
टीजेएसबी (TJSB) बँकेचे व्यवस्थापक हृषिकेश लेले यांनी विद्यार्थ्यांना दैनंदिन व्यवहारात इंग्रजी शब्दांऐवजी बोलीभाषेतील शब्द वापरण्याचे आवाहन केले. प्रशांत देवळेकर यांनी बोलीभाषेवर संमेलन आयोजित केल्याबद्दल संयोजकांचे आभार मानले, तर स्वागताध्यक्ष विजय कदम यांनी उपस्थितांचे आभार मानले.
खारवी, धनगरी, कुणबी, दालदी व कोळी बोलीवर विचारमंथन
संमेलनाच्या दुसऱ्या सत्रात बोलीभाषा सत्राध्यक्ष अरुण इंगवले यांच्या अध्यक्षतेखाली विविध बोलीभाषांचे सादरीकरण झाले:
- खारवी बोली: प्रा. मनाली बावधनकर
- धनगरी बोली: दुर्गेश आखाडे
- कुणबी बोली: अमोल पालये
- दालदी बोली: मुझफ्फर सय्यद
- कोळी बोली: सुनील कदमकवी अरुण इंगवले यांनी बोलीभाषेतील विविध शब्द अन् त्यांची वैशिष्ट्ये उपस्थितांसमोर मांडली.
कवी संमेलन आणि कथा सादरीकरणाने रंगली सांगता
कवी संमेलन सत्राच्या अध्यक्षस्थानी प्रा. कैलास गांधी होते. त्यांच्या अध्यक्षतेखाली आनंदराव पवार महाविद्यालयातील वेदिका हरवडे, वैष्णवी हळदे या विद्यार्थ्यांनी स्वरचित कविता सादर केल्या. याशिवाय रुपाली पाटील, माधुरी खांडेकर, विशाखा चितळे, सुनील कदम, मुझफ्फर सय्यद, विजय कदम, राष्ट्रपाल सावंत, संदीप परुळेकर, प्रा. संदीप येलंत्ये आणि प्रा. विक्रांत टेरवकर यांनी बहारदार कविता सादर केल्या.
शेवटच्या सत्रात लेखक राजा बर्वे यांनी बोलीभाषेचे महत्त्व विशद केले, तर प्रीतम खामकर यांनी ‘उंबरठ्यावरची दिवाळी’ ही कथा सादर केली. या कार्यक्रमाला प्राचार्य बाळासाहेब यादव, डॉ. उमेशकुमार बागल, धीरज वाटेकर, सुहास चव्हाण, ग्रंथालयाचे अध्यक्ष बापू काणे यांच्यासह मान्यवर उपस्थित होते.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
14:53 05-09-2026
