ॲड. सिद्धी खेडेकर यांचा युक्तिवाद न्यायालयाने मानला ग्राह्य
खेड : दारुचा पेग भरण्याच्या क्षुल्लक कारणावरून झालेल्या वादातून सदू सखाराम मोकाशी (४२) यांचा खून करणाऱ्या संशयित आरोपीला येथील जिल्हा न्यायालयाने जामीन मंजूर केला आहे. प्रकाश गंगाराम वाजे (४०, रा. शेनाळे-बर्गेवाडी, मंडणगड) असे जामीन मंजूर झालेल्या संशयित आरोपीचे नाव आहे. संशयिताच्या वतीने करण्यात आलेला कायदेशीर युक्तिवाद न्यायालयाने ग्राह्य धरत हा निर्णय दिला.
Khed Murder Case Bail मिळण्यामागची घटना आणि पार्श्वभूमी
ही घटना ३० जून रोजी पहाटेच्या सुमारास घडली होती. संशयित प्रकाश वाजे आणि मृत सदू मोकाशी हे दोघेही मंडणगड तालुक्यातील शेनाळे-बर्गेवाडी येथील काताच्या फॅक्टरीत कामगार म्हणून कार्यरत होते. घटनेच्या दिवशी दारुचा पेग भरण्यावरून दोघांमध्ये अचानक वाद झाला. या वादाचे रूपांतर पुढे हिंसाचारात होऊन सदू मोकाशी यांचा खून करण्यात आला होता.
न्यायालयात वकिलांचा प्रभावी युक्तिवाद
या प्रकरणी खेड येथील जिल्हा न्यायाधीशांसमोर जामीन अर्जावर सुनावणी पार पडली. संशयित आरोपी प्रकाश वाजे याच्या वतीने ॲड. सिद्धी खेडेकर यांनी बाजू मांडली. त्यांनी केलेला सडेतोड युक्तिवाद आणि मांडलेले कायदेशीर मुद्दे विचारात घेऊन न्यायालयाने संशयिताला जामीन मंजूर केला.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
10:57 07-09-2026
