रत्नागिरी : जिल्ह्यातून विविध ठिकाणांहून बेपत्ता झालेल्यांबाबत जिल्हा पोलिसांनी निवेदन प्रसिद्धीला दिले आहे. त्यापैकी कोणी आढळल्यास संपर्क साधण्याचे आवाहन करण्यात आले आहे.
श्रीमती लक्ष्मी नारायण पालकर कुंभारवाडी (टेरव ता. चिपळूण) येथून १६ जुलै २०२४ पासून बेपत्ता आहेत. त्यांचे वय ९२, उंची ४ फूट, रंग निमगोरा, अंगाने काटक नेसणीस साधारण तांबड्या रंगाची नऊवारी साडी व हिरव्या रंगाचे ब्लाऊज आहे. या महिलेबाबत कोणतीही माहिती मिळाली अथवा त्या कुठेही दिसल्यास पोलीस निरीक्षक, चिपळूण पोलीस ठाणे येथे संपर्क साधावा.
ऋतिक दिलीप दाते हा हॉटेल सायली, चिपळूण येथून ३ ऑगस्ट रोजी सायंकाळी ५.३० वाजण्याच्या सुमारास बेपत्त झाला आहे. वय २१, उंच ५ फूट, रंग गोरा, नाक सरळ, चेहरा गोल, डोळे काळे, केस काळे, नेसणीस गुलाबी रंगाचा फुल हाताचा शर्ट, काळ्या रंगाची फुल पँट असे या बेपत्ता तरुणाचे वर्णन असून गेले ६ महिने तो हॉटेल सायली येथे कामाला व राहायला होता. या तरुणाबाबत कोणतीही माहिती मिळाली अथवा तो कुठेही दिसल्यास पोलीस निरीक्षक, चिपळूण पोलीस ठाणे येथे संपर्क साधावा.
सुनीता लक्ष्मण नामे या पालू नामेवाडी (ता. लांजा जि. रत्नागिरी) येथून २ नोव्हेंबर २०१६ पासून बेपत्ता आहेत. त्यांची उंची ४ फूट ५ इंच, रंग सावळा, अंगाने सडपातळ, चेहरा उभट, केस साधारण पिकलेले, गळ्यात साधी माळ, कानात धातूची कुडी, नेसणीस चॉकलेटी रंगाची नऊवारी साडी असे वर्णन आहे. या महिलेबाबत कोणतीही माहिती मिळाली अथवा त्या कुठेही दिसल्यास पोलीस निरीक्षक, लांजा पोलीस ठाणे येथे संपर्क साधावा.
अंकुरी विलास शिंदे या आरगाव ता. लांजा येथून १६ फेब्रुवारी २०१७ पासून बेपत्ता आहेत. या बेपत्ता महिलेची उंची ४ फूट ५ इंच, रंग सावळा, अंगाने सडपातळ, चेहरा उभट, केस काळे लांब, नेसणीस काळ्या रंगाची जीन्स पँट, अंगात पिवळ्या रंगाचा हाप टॉप, कानात टॉप, नाकात चमकी, हातात ब्रेसलेट, पायात चप्पल असे वर्णन आहे. या महिलेबाबत कोणतीही माहिती मिळाली अथवा त्या कुठेही दिसल्यास पोलीस निरीक्षक, लांजा पोलीस ठाणे येथे संपर्क साधावा.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
12:07 25-09-2024
