चिपळूण : वाशिष्ठी डेअरी आयोजित कृषी महोत्सवातील विजेत्या स्पर्धकांचा सन्मान

चिपळूण : वाशिष्ठी डेअरी आयोजित कृषी महोत्सवात पशुधन स्पर्धा तसेच पाककला स्पर्धेतील विजेत्यांना वाशिष्ठी डेअरीचे चेअरमन प्रशांत यादव व मुख्य प्रवर्तक स्वप्ना यादव यांच्या हस्ते सन्मानित करण्यात आले. स्पर्धेत सहभागी होण्याची संधी दिल्याबद्दल स्पर्धकांनी व विजेत्यांनी वाशिष्ठी डेअरी प्रकल्पाला धन्यवाद दिले आहेत.

वाशिष्ठी डेअरी आयोजित कृषी महोत्सवात कृषिविषयक स्टॉल्स तसेच महिला बचत गटांच्या आर्थिक सक्षमीकरणासाठी खाद्यपदार्थ तसेच बचत गटांनी तयार केलेल्या उत्पादनांना बाजारपेठ मिळावी, यासाठी मोफत स्टॉल्स उपलब्ध करून देण्यात आले. याबद्दल बचत गटांच्या महिला प्रतिनिधींनी वाशिष्ठी डेअरी प्रकल्पाला धन्यवाद दिले.

यामध्ये सुदृढ निरोगी सुंदर गाय वासरू स्पर्धेत इब्राहिम पटाईत, दिलीप माटे (कामथे), कल्पेश शिंदे (शिरगाव), सुदृढ निरोगी सुंदर म्हैस वासरू गटातील स्पर्धेत विक्रांत भोसले (तिसंगी, ता. खेड), जयेश शिंदे (मुरडव संगमेश्वर), आशिष सुर्वे (नवीन कोळकेवाडी), सुदृढ निरोगी सुंदर गाय स्पर्धेत वैभव बाईत (कुंभार्ली), अनंत साबळे (कोंढे चिपळूण), प्रितेश यादव (तिडे- मंडणगड), सुदृढ निरोगी सुंदर म्हैस स्पर्धेत सम्यक कांबळे, (खंड चिपळूण), अनिकेत महाडिक (केळणे, ता. खेड), राजेश जोगळे (दळवटणे चिपळूण), सुदृढ निरोगी सुंदर रेडा स्पर्धेत आशिष सुर्वे (नवीन कोळकेवाडी), रुपेश शिंदे (मुरडव संगमेश्वर), हेमंत शिंदे (मुरडव संगमेश्वर), सुदृढ निरोगी सुंदर बैल स्पर्धेत तेजस सचिन सावंत (तिसंगी खेड), सुरेश राणे (कोळकेवाडी चिपळूण), पार्थ जाधव (गाणे चिपळूण), जास्त दूध देणारी गाय स्पर्धेत रवींद्र पांचाळ पालवन राकेश राजेंद्र पांचाळ व राकेश पांचाळ (पालवण), कोकण कपिला स्पर्धेत मंगेश पालशेतकर (कोंडे दापोली) अनिकेत बापट व प्रबोध बापट (वहाळ-चिपळूण), डॉग शो स्पर्धेत रणजीत पुजारी (कर्नाटक), विजय पाटील (लोटे-खेड), सुनील गौराजे (राधाकृष्ण नगर चिपळूण), निखिल मांडवकर (कोकरे), अनिकेत सोनावणे (मल्हारपेठ), कॅट शो स्पर्धेत स्नेहल आगरे ओबी गुडेकर (चिपळूण), इरफान कादरी (पेठमाप चिपळूण) पाककला स्पर्धा गोड पदार्थ या गटात गौतमी धारिया, सरिता भुतिया, नम्रता डाकवे, सविता शिरोळे, स्वप्ना कुलकर्णी, पाककला स्पर्धा तिखट पदार्थ या गटात तनवी शिंदे, किशोरी घोलप, विना भोसले, स्वप्ना कुलकर्णी, नम्रता डाकवे, शिल्पा भावे, कृषी महोत्सव २०२५ गिफ्ट हॅम्पर विजेते प्रथम क्रमांक सार्थक शिंदे, द्वितीय क्रमांक सोहम म्हदे, तृतीय क्रमांक सीमा पाटणे असे या स्पर्धेतील विजेते आहेत.

या स्पर्धेच्या बक्षीस वितरण कार्यक्रमाला चिपळूण नागरी सहकारी पतसंस्थेचे संस्थापक अध्यक्ष सुभाषराव चव्हाण, संचालिका सौ. स्मिता चव्हाण, वाशिष्ठी डेअरी प्रकल्पाचे चेअरमन प्रशांत यादव, मुख्य प्रवर्तक सौ. स्वप्ना यादव, प्रांताधिकारी आकाश लिगाडे, उपविभागीय पोलीस अधिकारी राजेंद्रकुमार राजमाने, मुख्याधिकारी विशाल भोसले, चिपळूण नागरीच्या तज्ज्ञ संचालिका अॅड. नयना पवार आदी मान्यवर उपस्थित होते.

यावेळी उपवगीय पोलिस अधिकारी राजेंद्रकुमार राजमाने व प्रांताधिकारी आकाश लिगाडे यांनी वाशिष्ठी डेअरीच्या कृषी महोत्सवाचे भरभरून कौतुक करताना कृषी महोत्सवामुळे कोकणातील शेतकऱ्यांमध्ये आमूलाग्र बदल होईल, असा विश्वास व्यक्त केला. हा महोत्सव यशस्वी करण्यासाठी वाशिष्ठी डेअरी प्रकल्पाचे चेअरमन प्रशांत यादव व मुख्य प्रवर्तक सौ. स्वप्ना यादव यांच्या मार्गदर्शनाखाली अधिकारी व कर्मचारी वर्गाने मेहनत घेतली.

दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
03:09 PM 14/Jan/2025