रत्नागिरी : जिल्हा रुग्णालयात अज्ञात वृद्धाचा उपचारादरम्यान मृत्यू

रत्नागिरी : जिल्हा शासकीय रुग्णालयात उपचारादरम्यान अज्ञात वृद्धाचा मृत्यू झाला. या प्रकरणी शहर पोलिस ठाण्यात आकस्मिक मृत्यूची नोंद करण्यात आली आहे.

या वृद्धाला (अंदाजे वय ६५) अशक्तपणामुळे दि. १९ ऑक्टोबर २०२४ रोजी जिल्हा शासकीय रुग्णालयात दाखल करण्यात आले होते. त्यातून बरा झाल्यानंतर त्याला अभ्युदय नगर येथील आधार बेघर निवारा केंद्रात दाखल करण्यात आले होते. तिथे ही तो बोलत नसल्याचे त्याचे नाव-गाव समजून येत नव्हते. या बेघर निवारा केंद्रातही त्याला अशक्तपणा आल्याने तो १४ जानेवारी पासून काही खात नसल्याने झोपूनच होता. बुधवार, १५ जानेवारी रोजी सकाळी ९ वा. सुमारास या बेघर निवारा केंद्रातील काळजी वाहक त्याला नाश्ता देण्यासाठी गेला होता. परंतु, तो वृद्ध कोणतीही हालचाल करत नव्हता. त्यामुळे त्याला पुन्हा जिल्हा शासकीय रुग्णालयात दाखल करण्यात आले असता, तेथील वैद्यकीय अधिकाऱ्यांनी तपासून मृत घोषित केले.

दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
11:47 AM 17/Jan/2025