रत्नागिरी, ११ एप्रिल २०२५ (रात्री १०:३१ वा.): रत्नागिरी जिल्ह्यातील पाली बाजारपेठ येथील वैभव देशी दारू दुकानात मोठी चोरीचा प्रकार उघडकीस आला आहे. या प्रकरणी गुन्हा दाखल करण्यात आला असून, आरोपी अशोक धोंडु तारी याच्यावर भारतीय न्यायसंहिता २०२३ च्या कलम ३०६ अंतर्गत कारवाई सुरू आहे. ही घटना २ एप्रिल २०२५ रोजी सकाळी ५ वाजण्याच्या आधी घडली असून, जानेवारी २०२५ ते मार्च २०२५ या कालावधीत देखील आरोपीने चोरी केल्याचा आरोप आहे.
फिर्यादी विनोद शांताराम रसाळ (वय ४५, व्यवसाय व्यापार, रा. पाली बाजारपेठ, ता.जि. रत्नागिरी) यांनी दिलेल्या माहितीनुसार, आरोपी अशोक धोंडु तारी (रा. दगडु पवार चाळ नंबर २, रुम नंबर २२, स्वदेश मिल रोड, चुनाभट्टी, सायन, मुंबई) याने २ एप्रिल २०२५ रोजी दिवसभर दुकानातून देशी दारूची विक्री करून एकूण २,५३,५०० रुपये किमतीचा माल आणि रोख रक्कम चोरून नेली. यामध्ये दुकानातील देशी दारूच्या सिलबंद बाटल्या आणि रोख रक्कमचा समावेश आहे.
चोरी गेलेला माल
रोख रक्कम: ९३,९८० रुपये
दारूच्या सिलबंद बाटल्या:
१८० मिली मापाच्या १,२२६ बाटल्या (प्रत्येकी ८० रुपये, एकूण ९८,०८० रुपये)
९० मिली मापाच्या १,४४० बाटल्या (प्रत्येकी ४० रुपये, एकूण ५७,६०० रुपये)
७५० मिली मापाच्या १२ बाटल्या (प्रत्येकी ३२० रुपये, एकूण ३,८४० रुपये)
विक्रीतून मिळालेली रक्कम: २१,००० रुपये (२ एप्रिल २०२५) + १,५९,५२० रुपये (दारू विक्री) + ७२,९८० रुपये (जानेवारी-मार्च २०२५), एकूण २,५३,५०० रुपये
आरोपीने ही रक्कम स्वतःच्या फायद्यासाठी चोरून पळून गेल्याचा आरोप आहे. पाली पोलिसांनी या प्रकरणी १० एप्रिल २०२५ रोजी रात्री १०:१२ वाजता गुन्हा दाखल केला असून, पुढील तपास सुरू आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
11:08 11-04-2025
