रत्नागिरी : जाकादेवी फुणगुस मार्गावर आज सकाळी एका सीएनजी गाडीने अचानक पेट घेतला, ज्यामुळे गाडी पूर्णपणे जळून खाक झाली. या घटनेमुळे मार्गावरील वाहतूक तब्बल दोन तास ठप्प झाली, आणि वाहनांच्या लांबच लांब रांगा लागल्या.
आग लागताच स्थानिकांनी तातडीने अग्निशमन दलाला पाचारण केले. अग्निशमन दलाने दोन तासांच्या अथक प्रयत्नांनंतर आग आटोक्यात आणली. या घटनेत कोणतीही जीवितहानी झाली नसली, तरी गाडीचे मोठे नुकसान झाले. वाहतूक ठप्प झाल्याने प्रवाशांना प्रचंड गैरसोयीचा सामना करावा लागला. पोलिसांनी घटनास्थळी धाव घेऊन परिस्थिती नियंत्रणात आणली आणि वाहतूक हळूहळू पूर्ववत झाली. आगीचे नेमके कारण अद्याप स्पष्ट झालेले नाही, परंतु तपास सुरू आहे. स्थानिक प्रशासनाने नागरिकांना खबरदारी बाळगण्याचे आवाहन केले आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
10:25 14-05-2025
