रत्नागिरी : जोशी क्लासेसने यंदाही दहावीच्या परीक्षेत आपली यशस्वी परंपरा कायम ठेवली असून, 100% निकालाची कामगिरी केली आहे. यंदाच्या निकालात ओजस पाध्ये याने 100% गुण मिळवत क्लासमध्ये प्रथम क्रमांक पटकावला आहे. साची पाटील हिने 98.60% गुणांसह द्वितीय, अनिका करमरकर हिने 98% गुणांसह तृतीय, सोहम भावे याने 97.60% गुणांसह चौथा आणि स्वानंदी शेंबवणेकर हिने 97.20% गुणांसह पाचवा क्रमांक मिळवला आहे. या यशस्वी विद्यार्थ्यांनी आपल्या मेहनतीने आणि जोशी क्लासेसच्या मार्गदर्शनाने हे यश संपादन केले आहे.
जोशी क्लासेसच्या संचालिका सौ. राधा जोशी यांच्या मार्गदर्शनाखाली यंदा 8 विद्यार्थ्यांनी 95% पेक्षा जास्त गुण मिळवले आहेत, तर 8 विद्यार्थ्यांनी 90% ते 95% दरम्यान आणि 14 विद्यार्थ्यांनी 80% ते 90% दरम्यान गुण मिळवले आहेत. उर्वरित सर्व विद्यार्थ्यांनीही आपापल्या क्षमतेनुसार उत्तम कामगिरी केली आहे. सौ. राधा जोशी यांनी गेल्या 20 वर्षांत शेकडो विद्यार्थ्यांना यशस्वी मार्गदर्शन करून त्यांच्या करिअरला दिशा दिली आहे. त्यांच्या अनुभवाचा आणि समर्पित शिक्षणपद्धतीचा फायदा या निकालातून स्पष्ट दिसून येतो.
या यशाबद्दल बोलताना सौ. राधा जोशी म्हणाल्या, “विद्यार्थ्यांचे हे यश त्यांच्या मेहनतीचे आणि आमच्या शिक्षकांच्या अथक परिश्रमाचे फळ आहे. प्रत्येक विद्यार्थ्याने आपल्या क्षमतेनुसार उत्कृष्ट कामगिरी केली आहे. मला त्यांचा अभिमान आहे.” त्यांनी सर्व यशस्वी विद्यार्थ्यांना पुढील शैक्षणिक वाटचालीसाठी शुभेच्छा दिल्या. ओजस पाध्ये याने आपल्या यशाचे श्रेय जोशी मॅडम यांच्या मार्गदर्शनाला आणि पालकांच्या पाठिंब्याला दिले. “नियमित अभ्यास आणि मॅडम यांचे प्रेरणादायी मार्गदर्शन यामुळे हे यश शक्य झाले,” असे तो म्हणाला.
जोशी क्लासेसचा हा निकाल विद्यार्थ्यांच्या उज्ज्वल भविष्यासाठी एक पाऊल आहे. यंदाच्या निकालाने पुन्हा एकदा जोशी क्लासेसच्या शैक्षणिक उत्कृष्टतेची पुष्टी केली आहे. सर्व यशस्वी विद्यार्थ्यांचे आणि जोशी क्लासेसच्या शिक्षकांचे अभिनंदन!
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
10:38 14-05-2025
