रत्नागिरी: श्रावण मासानिमित्त ‘आर्ट ऑफ लिव्हिंग’ परिवारातर्फे रत्नागिरी शहरात सामूहिक ‘रुद्रपूजा’ आयोजित करण्यात आली आहे. ही विशेष पूजा गुरुवार, १४ ऑगस्ट २०२५ रोजी सायंकाळी ६ वाजता मराठा मंडळ हॉल, माळ नाका येथे होणार असून, सर्वांसाठी तिचा प्रवेश विनामूल्य आहे.
रुद्रपूजेचे महत्त्व
रुद्रपूजा ही एक प्राचीन धार्मिक विधी असून, ती आत्मिक शांती आणि इच्छापूर्तीसाठी अत्यंत प्रभावी मानली जाते. अनेक वेदशास्त्रांमध्ये दुष्ट शक्तींचा नाश करण्यासाठी या पूजेचा उल्लेख आहे. मानवी जीवनातील अनेक दोषांवर, जसे की पितृदोष, ग्रहदोष, वास्तुदोष आणि कर्मदोष, रुद्रपूजा प्रभावी उपाय मानली जाते.
आरोग्य आणि आध्यात्मिक लाभ
रुद्रपूजेमुळे हवामानातील बदलांमुळे होणारे वात, पित्त आणि कफ यांचे असंतुलन दूर होण्यास मदत होते, असाही दावा करण्यात आला आहे. या पूजेमध्ये शिव, विष्णुनारायण, गणपती, सूर्य, महादेवी (लक्ष्मी, सरस्वती, शक्ती) आणि गुरुतत्व अशा सहा प्रमुख शक्तींचे आवाहन केले जाते.
या पूजेमध्ये सहभागी होण्यासाठी आणि संकल्प नावनोंदणी करण्यासाठी आयोजकांनी संपर्क क्रमांक दिले आहेत. अधिक माहितीसाठी इच्छुक व्यक्तींनी 8275658163, 9890991407, किंवा 9158269147 या क्रमांकांवर संपर्क साधावा. कार्यक्रमात सहभागी होण्यासाठी सर्वांना मोफत प्रवेश असून, ‘आर्ट ऑफ लिव्हिंग’ परिवाराने मोठ्या संख्येने उपस्थित राहण्याचे आवाहन केले आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
10:43 13-08-2025
