जयगड पोलिसांकडून वाटद येथे झाडाच्या आडोशाला दारू पिणाऱ्या तरुणावर महाराष्ट्र दारूबंदी कायद्यानुसार कारवाई
रत्नागिरी:
रत्नागिरी तालुक्यातील वाटद येथे गुरुवारी, २३ जुलै रोजी दुपारी २ वाजण्याच्या सुमारास सार्वजनिक ठिकाणी बेकायदेशीरपणे मद्यप्राशन करणाऱ्या एका तरुणावर जयगड पोलीस ठाण्यात गुन्हा दाखल करण्यात आला आहे. सार्वजनिक ठिकाणी मद्यधुंद अवस्थेत आढळल्याप्रकरणी पोलीस कर्मचारी रवींद्र आठवले यांनी दिलेल्या तक्रारीवरून ही कारवाई करण्यात आली आहे.
सार्वजनिक ठिकाणी बेकायदेशीर मद्यप्राशन
पोलिसांकडून मिळालेल्या माहितीनुसार, मयुर नंदकुमार पवार (वय २७, रा. चाफेरी मराठवाडी, रत्नागिरी) असे गुन्हा दाखल करण्यात आलेल्या संशयित तरुणाचे नाव आहे. गुरुवारी दुपारी २ च्या सुमारास वाटद गावातील लोकवस्तीजवळ एका झाडाच्या आडोशाला बसून तो दारू पित असल्याचे पोलिसांच्या निदर्शनास आले.
महाराष्ट्र दारूबंदी कायद्यानुसार गुन्हा दाखल
संशयिताकडे दारू पिण्याचा कोणताही कायदेशीर परवाना नसताना त्याने लोकवस्तीच्या सार्वजनिक ठिकाणी मद्यप्राशन केल्याचे निष्पन्न झाले. याप्रकरणी जयगड पोलीस ठाण्यात संशयिताविरोधात महाराष्ट्र दारूबंदी कायदा कलम ८४ अंतर्गत गुन्हा नोंदवण्यात आला असून पोलीस पुढील तपास करत आहेत
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
12:20 25-07-2026
