भरधाव टेम्पो चालकाचा बेदरकारपणा; रत्नागिरी ग्रामीण पोलिसांत गुन्हा नोंद
रत्नागिरी:
मुंबई-गोवा महामार्गावर निवळी कोकजेवठार परिसरात एक भीषण Mumbai Goa Highway Accident घडल्याचे समोर आले आहे. भरधाव वेगाने जाणाऱ्या एका टेम्पोने इनोव्हा कारला जोरदार धडक दिली. वाहन हयगयीने आणि अत्यंत बेदरकारपणे चालवून अपघात घडवल्याप्रकरणी टेम्पो चालकाविरुद्ध रत्नागिरी ग्रामीण पोलीस ठाण्यात गुन्हा दाखल करण्यात आला आहे.
देवरुख-आंबव मार्गाने येत असताना घडली घटना
पोलिसांनी दिलेल्या माहितीनुसार, तक्रारदार मंदार भार्गव निमकर हे आपली इनोव्हा क्रिस्टा कार (क्र. MH 08 AN 3020) स्वतः चालवत देवरुख-आंबव मार्गे रत्नागिरीच्या दिशेने येत होते. त्यांच्यासोबत साक्षीदार अजिंक्य एकनाथ मोरे हेदेखील कारमध्ये उपस्थित होते. दुपारी साडेचार वाजण्याच्या सुमारास त्यांची कार निवळी कोकजेवठार परिसरात पोहोचली.
त्याच वेळी निवळी फाटा ते बावनदी जाणाऱ्या राष्ट्रीय महामार्ग क्रमांक ६६ वरून टेम्पो (क्र. MH 40 DC 2032) घेऊन जाणारा चालक सुरज सुरेश वाढवे याने आपले वाहन भरधाव वेगाने आणि निष्काळजीपणे चालवून मंदार निमकर यांच्या इनोव्हा कारच्या उजव्या बाजूला जोरदार धडक दिली.
भारतीय न्याय संहितेनुसार टेम्पो चालकावर गुन्हा दाखल
या घटनेनंतर रत्नागिरी ग्रामीण मोटार अपघात अर्ज क्र. २५/२०२६ अन्वये प्राथमिक चौकशी करण्यात आली. चौकशीअंती २४ जुलै रोजी रात्री १० वाजता रत्नागिरी ग्रामीण पोलीस ठाण्यात आरोपी टेम्पो चालक सुरज सुरेश वाढवे याच्याविरोधात गुन्हा दाखल करण्यात आला.
आरोपीविरुद्ध भारतीय न्याय संहिता (BNS) २०२३ चे कलम २८१ आणि मोटार वाहन कायद्याच्या कलम १८४ अन्वये गुन्हा नोंदवण्यात आला असून, पोलीस या प्रकरणाचा पुढील सखोल तपास करत आहेत.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
11:18 27-07-2026
