घरासमोरील पायऱ्यांवर बेशुद्ध सापडल्यानंतर उपचारापूर्वीच मृत घोषित
रत्नागिरी: Niwali Ratnagiri Death Incident संदर्भात रत्नागिरी शहरालगतच्या निवळी बौद्धवाडी येथून एक धक्कादायक बाब समोर आली आहे. दारूच्या व्यसनामुळे एकाकी जीवन जगत असलेल्या आशिष अनंत सावंत (वय ४४, रा. निवळी बौद्धवाडी, ता. जि. रत्नागिरी) या तरुणाचा राहत्या घरी संशयास्पद स्थितीत दुर्दैवी मृत्यू झाला. ही घटना ३१ जुलै रोजी सकाळी ६:४५ ते १०:५५ या वेळेत उघडकीस आली असून या प्रकरणी शहर पोलीस ठाण्यात नोंद करण्यात आली आहे.
Niwali Ratnagiri Death Incident मध्ये पायऱ्यांवर बेशुद्ध सापडला तरुण
मिळालेल्या माहितीनुसार, मयताचे काका संतोष गोपाळ सावंत हे निवळी ग्रामपंचायतीमध्ये पाणी पुरवठ्याचे काम करतात. ३१ जुलै रोजी सकाळी ६:३५ वाजता विहिरीवरील पाण्याचा पंप चालू करून परत येत असताना, ६:४५ वाजेच्या सुमारास त्यांना पुतण्या आशिष घरासमोरील पायऱ्यांवर पाय आणि जमिनीवर डोके अशा उताण्या स्थितीत पडलेला दिसून आला. हाक मारूनही कोणतीही हालचाल न झाल्याने त्यांनी तातडीने ग्रामस्थ, पोलीस आणि पोलीस पाटलांना माहिती दिली.
स्थानिकांच्या मदतीने आशिषला तातडीने रुग्णवाहिकेतून रत्नागिरी येथील जिल्हा शासकीय रुग्णालयात दाखल करण्यात आले. मात्र तेथील वैद्यकीय अधिकाऱ्यांनी तपासणीअंती त्याला मृत घोषित केले. या प्रकरणी शहर पोलीस ठाण्यात अकस्मात मृत्यू (CR. No. ६९/२०२६ – भारतीय नागरिक सुरक्षा संहिता २०२३ चे कलम १९४) अन्वये नोंद करण्यात आली असून पोलीस पुढील कायदेशीर तपास करत आहेत.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
15:11 01-08-2026
