मनोज जरांगे पाटील यांच्यावरही कडाडून टीका
Rohit Pawar OBC Certificate Claim प्रकरणी ओबीसी नेते लक्ष्मण हाके यांनी आमदार रोहित पवार यांच्याकडे ओबीसीचा दाखला असल्याचा दावा करत राजकीय वर्तुळात नवीन चर्चेला उधाण आणले आहे. काँग्रेस नेते विजय वडेट्टीवार यांनी खासदार सुप्रिया सुळे यांच्याबाबत वक्तव्य केल्यानंतर दिलगिरी व्यक्त करत वाद मिटवला होता. त्यानंतर आता लक्ष्मण हाके यांनी थेट रोहित पवारांवर निशाणा साधत हा दावा केला आहे.
Rohit Pawar OBC Certificate Claim: ओबीसी दाखल्यावरून हाकेंचा नवा दावा
प्रसारमाध्यमांशी संवाद साधताना लक्ष्मण हाके यांनी सांगितले की, सुप्रिया सुळे यांच्याकडे ओबीसी दाखला आहे की नाही हे ठाऊक नाही, परंतु रोहित पवार यांच्याकडे ओबीसीचा दाखला उपलब्ध आहे. या विधानासोबतच त्यांनी सुप्रिया सुळे यांच्यावरही टीका केली. रोहित पवारांचा दाखला समोर आल्यानंतर इतरही बाबी स्पष्ट होतील, असे हाके म्हणाले.
१ सप्टेंबरच्या मुंबई मोर्च्यावर ओबीसी नेते ठाम
येत्या १ सप्टेंबर रोजी ओबीसी समाजाचा मुंबईत धडकणारा मोर्चा आयोजित करण्यात आला आहे. या मोर्च्याच्या परवानगीसाठी सरकारला निवेदन देण्यात आल्याची माहिती हाके यांनी दिली. पोलिसांनी परवानगी नाकारली किंवा प्रशासनाने रोखण्याचा प्रयत्न करून जेलमध्ये टाकले, तरीही मुंबईतील आंदोलन पार पडणारच, असा इशारा त्यांनी सरकारला दिला.
मराठा आरक्षण आणि मनोज जरांगे यांच्यावर टीका
लक्ष्मण हाके यांनी मराठा आरक्षणाच्या मुद्द्यावरून मनोज जरांगे यांच्यावर तीव्र शब्दांत टीका केली. २००४ पासून ओबीसी आरक्षणावर अतिक्रमण करण्याचे प्रयत्न सुरू असल्याचा आरोप करत त्यांनी विखे पाटील, रोहित पवार आणि दानवे यांच्यासारख्या नेत्यांनी आरक्षणाचा लाभ घेतल्याचे म्हटले. दुसरीकडे, अंतरवली सराटीत मनोज जरांगे पाटील यांचे निर्णायक आंदोलन सुरू असून त्यांनीही मुंबईला धडकण्याचे संकेत दिले आहेत.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
13:00 29-08-2026
