मृत चालकावर गुन्हा दाखल
लांजा, रत्नागिरी:
Lanja Truck Accident Case आणि मुंबई-गोवा महामार्गावरील अपघातांची मालिका सुरूच असून लांज्याजवळील अंजणारी पुलाजवळ एक भीषण अपघात घडला आहे. भरधाव वेगाने जाणारा १२ चाकी टाटा ट्रक अचानक पलटी होऊन ट्रकमधील चालकाचा जागीच मृत्यू झाला, तर क्लिनर गंभीर जखमी झाला आहे. हा अपघात शुक्रवार, ४ सप्टेंबर रोजी रात्री सुमारे १०.४५ वाजण्याच्या सुमारास घडला.
उतारावर वाहनावरील ताबा सुटल्याने घडला अपघात
Lanja Truck Accident Case आणि अपघाताचा सविस्तर तपशील
पोलीस सूत्रांनी दिलेल्या माहितीनुसार, अपघातात मृत्यू झालेल्या चालकाचे नाव शाम सिंग (वय ५८, रा. सुकरताल, सहारनपूर, उत्तर प्रदेश) असे आहे. शाम सिंग हा आपल्या ताब्यातील १२ चाकी टाटा ट्रक (क्र. HR 38 X 0993) घेऊन मुंबईहून गोव्याच्या दिशेने स्लायडींग साहित्य घेऊन जात होता.
ट्रक मुंबई-गोवा महामार्गावरील अंजणारी पुलाजवळ आला असता, तेथील रस्त्याचा तीव्र उतार असल्यामुळे चालकाचे वाहनावरील नियंत्रण सुटले आणि भरधाव ट्रक महामार्गावर पलटी झाला. या भीषण अपघातात चालक शाम सिंग याचा गंभीर दुखापत झाल्याने जागीच मृत्यू झाला.
क्लिनर गंभीर जखमी; पोलिसांत गुन्हा दाखल
या अपघातात ट्रकमधील क्लिनर संदीप कृष्णलाल कुमार (वय ४१, रा. विकसनगर रोड, मरवा, बेहट, सहारनपूर, उत्तर प्रदेश) याच्या उजव्या पायाला गंभीर दुखापत झाली आहे. तसेच अपघातात ट्रकसह ट्रकमधील मालाचे मोठे नुकसान झाले आहे. अपघाताची माहिती मिळताच लांजा पोलिसांनी तातडीने घटनास्थळी धाव घेऊन बचावकार्य राबवले.
या प्रकरणी जखमी क्लिनर संदीप कुमार याने लांजा पोलीस ठाण्यात दिलेल्या फिर्यादीवरून, मृत चालक शाम सिंग याने रस्त्याच्या परिस्थितीकडे दुर्लक्ष करून भरधाव वेगाने व हयगयीने ट्रक चालवून स्वतःच्या मृत्यूस आणि क्लिनरच्या दुखापतीस कारणीभूत ठरल्याप्रकरणी गुन्हा दाखल करण्यात आला आहे. या घटनेचा अधिक तपास लांजा पोलीस ठाण्याचे पोलीस निरीक्षक निळकंठ बगळे यांच्या मार्गदर्शनाखाली पोलीस करत आहेत.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
13:54 05-09-2026
