टीआरपी परिसरात मोकाट गुरांचा प्रश्न पुन्हा ऐरणीवर
ST Bus Collision Ratnagiri मुळे शहरातील टीआरपी परिसरातील वाहतूक सुरक्षेचा प्रश्न पुन्हा एकदा गंभीर बनला आहे. राजापूरहून रत्नागिरीच्या दिशेने येणाऱ्या एसटी बसने टीआरपी परिसरातील सावंत पॅलेस हॉटेलसमोर रस्त्यावर अचानक आलेल्या गायीला जोरदार धडक दिली. सोमवारी सायंकाळी ४ वाजण्याच्या सुमारास घडलेल्या या भीषण अपघातात गायीचा जागीच मृत्यू झाला.
प्रवाशांना दुसऱ्या बसने रवाना केले राजापूर-रत्नागिरी एसटी बस टीआरपी परिसराजवळ आली असता रस्त्यावर उभ्या असलेल्या गायीला बसची थेट धडक बसली. अपघातानंतर बसमधील प्रवाशांची गैरसोय टाळण्यासाठी त्यांना तत्काळ दुसऱ्या बसमधून रत्नागिरीकडे रवाना करण्यात आले. दरम्यान, एसटी चालक बससह घटनास्थळीच थांबून पुढील प्रक्रियेसाठी थांबून होता.
चार दिवसांत दुसरी घटना विशेष म्हणजे, अवघ्या चार दिवसांपूर्वी याच टीआरपी परिसरात एका बैलाला अज्ञात वाहनाने धडक दिली होती. त्या अपघातात बैल गंभीर जखमी झाला होता. ती घटना ताजी असतानाच आता एसटी बसच्या धडकेत गायीचा मृत्यू झाल्याने रत्नागिरी शहरातील रस्त्यांवर सतत मोकाट फिरणाऱ्या गुरांचा प्रश्न किती गंभीर व प्राणघातक बनला आहे, हे पुन्हा एकदा स्पष्ट झाले आहे.
नागरिकांमधून प्रशासनावर तीव्र नाराजी मुख्य रस्त्यांवर आणि महामार्गावर मोकाट गुरे ठाण मांडून बसत असल्याने वाहनचालकांच्या सुरक्षिततेला मोठा धोका निर्माण झाला आहे. विशेषतः रात्रीच्या वेळी आणि वळणावर कमी दृश्यमानतेमुळे अपघाताची शक्यता अधिक वाढते. वारंवार घडणाऱ्या या घटनांनंतर तरी स्थानिक प्रशासनाने आणि महापालिकेने मोकाट गुरांचा बंदोबस्त करण्यासाठी तातडीने ठोस मोहीम राखावी, अशी मागणी स्थानिक नागरिकांकडून केली जात आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
09:35 09-09-2026
