पंधरवडाभर स्वच्छता मोहीम; प्रवाशांमध्ये जनजागृती करण्यावर प्रशासनाचा भर
Konkan Railway Swachhata Hi Seva: केंद्र सरकारच्या ‘स्वच्छता ही सेवा’ अभियानांतर्गत कोकण रेल्वेच्या वतीने पंधरवडाभर विविध स्वच्छता उपक्रमांचे आयोजन करण्यात आले आहे. या अभियानाचा एक भाग म्हणून कोकण रेल्वेच्या अधिकारी व कर्मचाऱ्यांनी स्वयंस्फूर्तीने एकत्र येत रेल्वेमार्ग, स्थानके आणि परिसर स्वच्छ करण्यासाठी विशेष मोहीम राबवली.
Konkan Railway Swachhata Hi Seva: स्थानक परिसर अन् रेल्वेमार्गांची स्वच्छता
कोकण रेल्वेच्या मार्गावरील विविध स्थानकांवर ही व्यापक स्वच्छता मोहीम राबविण्यात आली. स्थानकांना जोडणारे मुख्य प्रवेश रस्ते, रेल्वे प्लॅटफॉर्म, रेल्वेचे रुळ (मार्ग) तसेच लगतच्या परिसरातील साचलेला कचरा आणि अस्वच्छता पूर्णपणे दूर करण्यात आली. या अभियानात कोकण रेल्वेच्या विविध विभागांचे वरिष्ठ अधिकारी, कर्मचारी आणि स्वच्छता कर्मचाऱ्यांनी मोठ्या संख्येने भाग घेतला.
प्रवाशांमध्ये जनजागृती आणि नागरिकांना आवाहने
रेल्वे परिसर स्वच्छ आणि सुंदर राखण्याबरोबरच प्रवाशांमध्ये स्वच्छतेबाबत जाणीव-जागृती निर्माण करण्याच्या उद्देशाने कोकण रेल्वेकडून पंधरवडाभर विविध जनजागृतीपर उपक्रम राबवले जात आहेत. स्वच्छतेची जबाबदारी केवळ रेल्वे प्रशासनाची नसून ती प्रत्येक नागरिकाची आणि प्रवाशाची आहे, असा संदेश ‘स्वच्छता ही सेवा’ या अभियानाच्या माध्यमातून दिला जात आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
03:54 06-10-2026
