जलजीवन मिशनच्या रखडलेल्या कामांना ब्रेक नाही; DPDC मधून विशेष निधी देण्याचा निर्णय
रत्नागिरी : Ratnagiri Panwal Shil Dam Water Management च्या पार्श्वभूमीवर रत्नागिरी शहरासह आसपासच्या ग्रामीण भागातील पाण्याचा प्रश्न वेळेत सुटावा आणि भविष्यातील जलसंकट टळावे, यासाठी पानवल आणि शीळ धरण क्षेत्रातील पाणीसाठ्याचे सूक्ष्म नियोजन करण्याचे स्पष्ट निर्देश जिल्ह्याचे पालकमंत्री डॉ. उदय सामंत यांनी दिले आहेत. केवळ कागदी अहवालांवर अवलंबून न राहता प्रत्यक्ष परिस्थिती लक्षात घेऊन टंचाई निवारणाच्या उपाययोजना तातडीने सुरू करण्याचे आदेश त्यांनी प्रशासनाला दिले.
Ratnagiri Panwal Shil Dam Water Management: बाष्पीभवनाचा आधीच हिशोब मांडून कृतीवर भर
धरणातील उपलब्ध पाणीसाठा पुढील सहा महिने टिकेल, या केवळ प्रशासकीय अहवालावर पूर्णपणे अवलंबून न राहता, जानेवारी आणि फेब्रुवारी महिन्यात होणाऱ्या संभाव्य बाष्पीभवनाचा आधीच हिशोब मांडण्याचे पालकमंत्र्यांनी सांगितले. उन्हाळ्याच्या सुरुवातीलाच पाणीटंचाईची तीव्रता वाढू नये, यासाठी बाष्पीभवनाचा दर लक्षात घेणे अत्यंत महत्त्वाचे आहे. ऐन उन्हाळ्यात नागरिकांचे हाल होऊ नयेत म्हणून सर्व संभाव्य घटकांचा विचार करून ठोस पावले उचलण्याचे निर्देश त्यांनी दिले.
‘जलजीवन मिशन’च्या रखडलेल्या कामांसाठी DPDC मधून विशेष निधी
पाणीपुरवठा योजनांना गती देण्यासाठी आणि प्रलंबित कामे तातडीने मार्गी लावण्यासाठी बैठकीत महत्त्वाचा निर्णय घेण्यात आला. ‘जलजीवन मिशन’अंतर्गत १० लाखांच्या आतील प्रलंबित कामांसाठी आणि निधीच्या अतिरिक्त १० टक्के तुटवड्यासाठी जिल्हा नियोजन समितीमधून (DPDC) विशेष बाब म्हणून निधी उपलब्ध करून देण्याचा निर्णय घेण्यात आला आहे. यामुळे रखडलेल्या पाणीपुरवठा योजना वेगाने पूर्ण होऊन ग्रामीण भागातील नागरिकांना मोठा दिलासा मिळणार आहे.
जलसंकट रोखण्यासाठी प्रशासकीय यंत्रणा ॲक्शन मोडवर
पाणीटंचाईवर मात करण्यासाठी स्थानिक पातळीवर सर्व घटकांना सोबत घेऊन नियोजन केले जाणार आहे. आगामी उन्हाळ्यात शहरासह ग्रामीण भागाला सुरळीत पाणीपुरवठा व्हावा, यासाठी महसूल व पाणीपुरवठा विभागाने संयुक्तपणे या उपाययोजनांची अंमलबजावणी करावी, असेही बैठकीत स्पष्ट करण्यात आले.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
05:30 08-10-2026
