एमआयडीसी सोलापूर येथील रहिवाशावर कारवाई; पोलीस शिपायाच्या तक्रारीवरून कायदेशीर पाऊल
Public Alcohol Consumption : रत्नागिरी शहरानजीकच्या उद्यमनगर, चंपक मैदान येथील सार्वजनिक ठिकाणी मद्यपान करणाऱ्या एका २४ वर्षीय तरुणाविरुद्ध रत्नागिरी ग्रामीण पोलीस ठाण्यात गुन्हा दाखल करण्यात आला आहे. आसिफ अयुब मुरशेद (वय २६, मूळ रा. विनायकनगर, एमआयडीसी सोलापूर कुंभारी; सध्या रा. परटवणे झोपडपट्टी, रत्नागिरी) असे गुन्हा दाखल करण्यात आलेल्या संशयित तरुणाचे नाव आहे. ही घटना शनिवारी (२४ ऑक्टोबर) रात्री पावणेनऊ वाजण्याच्या सुमारास चंपक मैदान परिसरात निदर्शनास आली.
सार्वजनिक ठिकाणी मद्यपान करताना आढळला संशयित
पोलिसांकडून मिळालेल्या माहितीनुसार, संशयित तरुण आसिफ मुरशेद हा उद्यमनगर येथील चंपक मैदान परिसरातील मोकळ्या आणि सार्वजनिक ठिकाणी उघडपणे मद्यपान करत असताना पोलिसांच्या निदर्शनास आला. सार्वजनिक ठिकाणी मद्यप्राशन करून शांतता व सुव्यवस्थेला बाधा पोहोचवल्याप्रकरणी पोलिसांनी त्याच्यावर तत्काळ कारवाईचा बडगा उचलला.
ग्रामीण पोलीस ठाण्यात गुन्हा नोंद
या संपूर्ण प्रकरणी पोलीस शिपाई प्रशांत बंडबे यांनी रत्नागिरी ग्रामीण पोलीस ठाण्यात रीतसर तक्रार दिली आहे. दिलेल्या तक्रारीवरून पोलिसांनी संशयित तरुणाविरुद्ध सार्वजनिक ठिकाणी मद्यपान केल्याप्रकरणी गुन्हा दाखल केला आहे. सार्वजनिक ठिकाणी मद्यप्राशन करणाऱ्यांवर यापुढेही कडक कारवाई केली जाईल, असा इशारा पोलीस प्रशासनाकडून देण्यात आला आहे.
