गुहागर : जानवळे येथे नेत्र तपासणी शिबिराला प्रतिसाद

गुहागर : गुहागर तालुक्यातील जानवळे येथील एकता कमिटी नवतरुण मित्र मंडळ एकता नगरतर्फे मोफत नेत्र तपासणी शिबिर झाले. मोफत नेत्र तपासणी शिबिराचे उद्घाटन मंडळाचे अध्यक्ष शंकर चिपळूणकर यांनी केले. या शिबिरासाठी परफेक्ट व्हिजन आय केअर यांचे सहकार्य लाभले. यावेळी मंडळाचे सचिव विश्वनाथ कोंडविलकर यांनी उपस्थितांचे स्वागत केले. त्यानंतर परफेक्ट व्हिजन आय केअरचे झहीर प्रभुळकर, हमीद सय्यद, शैलेश शिगवण यांचे स्वागत केले. यावेळी मंडळाचे शंकर चिपळूणकर, सुधीर कोंडविलकर, संजय कोंडविलकर, विश्वनाथ कोंडविलकर, राजेश कोंडविलकर, दत्ताराम कोंडविलकर, संदीप कोंडविलकर तसेच वाडीतील महिला उपस्थित होत्या. सूत्रसंचालन सचिव विश्वनाथ कोंडविलकर यांनी केले. या शिबिरात ६० जणांची डोळे आणि मोतीबिंदू तपासणी करण्यात आली.

दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
04:37 PM 28/Sep/2024