गुहागर : महाराष्ट्र ज्युदो संघटनेच्या मान्यतेने ५१ वी कॅडेट व ज्युनिअर राज्यस्तरिय ज्युडो स्पर्धा दि. ४ ते ६ ऑक्टोबर रोजी एस. व्ही. जे. सी. टी. क्रीडा संकुल डेरवण या ठिकाणी रत्नागिरी जिल्हा हौशी ज्युदो संघटनेच्या वतीने आयोजित करण्यात आली आहे. या स्पर्धेसाठी रत्नागिरी जिल्हा संघाची निवड नुकतीच गुहागर रंगमंदिर येथे करण्यात आली.
निवडण्यात आलेल्या मुलांच्या संघात चिन्मय वराडकर, अखिल पालशेतकर, प्रिन्स पाटील, पुष्कर कनगुटकर, मोहित पाटील, शुभम नागे, सक्षम डोणेकर, धीरज परमार, ओम भोसले, श्लोक क्षीरसागर, आर्यन गांधी यांचा समावेश आहे.
याबरोबर मुलींच्या संघामध्ये अर्चिता सुर्वे, स्नेहा घाडगे, श्रावणी नागे, सई आंब्रे, सायली जाधव, दीक्षा गुरव, सरोज गावणंग, समृद्धी चव्हाण, सानिका सुर्वे, पूर्वा चव्हाण, सानिका गोंधळी यांचा समावेश आहे. प्रशिक्षक म्हणून श्रद्धा चाळके व संघ व्यवस्थापक म्हणून तपस्विनी नाटेकर यांची निवड करण्यात आली आहे.
राज्य स्पर्धेकरीता या संघाला शैलेश टिळक, शांताराम जोशी, रत्नागिरी जिल्हा ज्युदो संघटनेचे अध्यक्ष नीलेश गोयथळे, उपाध्यक्ष गणेश धनावडे, सचिव नीरज गोयथळे, खजिनदार सोनाली हळदणकर, ज्युदो प्रशिक्षक सोनाली वरंडे, समीर पवार, रुतिकेश झगडे, संतोष भोसले आदींनी निवड झालेल्या खेळाडूंचे अभिनंदन केले आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
11:14 AM 30/Sep/2024
