पक्षात काम करताना सर्वच गोष्टी मनासारख्या घडत नसतात, काही वेळा थांबावे लागते : छगन भुजबळ
![पक्षात काम करताना सर्वच गोष्टी मनासारख्या घडत नसतात, काही वेळा थांबावे लागते : छगन भुजबळ](https://ratnagirikhabardar.com/uploads/images/202406/image_870x_666d38d6384e9.jpg)
पुणे : 'माझ्या राजकीय आयुष्यात आतापर्यंत अनेक गोष्टी घडल्या आहेत. शिवसेना पक्ष जेवढ्या वर्षांचा आहे, तेवढे माझे वय आहे. त्यामुळे पक्षात काम करताना सर्वच गोष्टी मनासारख्या घडत नसतात.
पुण्यात उपमुख्यमंत्री अजित पवार यांच्यासोबत भिडेवाडा स्मारकाची पाहणी केत्यानंतर ते पत्रकारांशी बोलत होते. ते म्हणाले, "राज्यसभेच्या जागेसाठीदेखील पक्षांतर्गत अनेक बैठका झाल्या. त्यात सुनेत्रा पवार यांचे नाव जाहीर झाले. माझी खासदार होण्याची इच्छा आहेच. विरोधक चुकीच्या बातम्या माध्यमांतून पेरत आहेत. अनेक वेळा अशा गोष्टी माझ्या बाबतीत घडल्या आहेत; परंतु ज्या त्या गोष्टी वेळेवर सोडून देत पुढे जावे लागते, त्यानुसार माझा प्रवास झाला आहे. मला खासदारकीची संधी दिली नाही, म्हणून त्याचा अर्थ मी नाराज आहे असा नाही."
भिडे वाडा स्मारकासाठी सर्वोच्च न्यायालयापर्यंत लढलो; पण त्याचे काम अद्याप सुरू झालेले नाही. दोन-अडीच महिने आचारसंहिता आणि निवडणुकीत गेले. याठिकाणी बालसंगोपन केंद्र, तसेच विहीर आहे. या ठिकाणी ५०० लोकदेखील बसू शकत नाहीत. त्यामुळे जवळची जागा मोकळी करावी आणि ३०० मीटरवर असलेले सावित्रीबाईंचे स्मारक जोडण्यात यावे, यासाठी प्रयत्न करत आहे; पण यात काही प्रगती होत नाही, असेही ते म्हणाले.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
12:01 15-06-2024
What's Your Reaction?
![like](https://ratnagirikhabardar.com/assets/img/reactions/like.png)
![dislike](https://ratnagirikhabardar.com/assets/img/reactions/dislike.png)
![love](https://ratnagirikhabardar.com/assets/img/reactions/love.png)
![funny](https://ratnagirikhabardar.com/assets/img/reactions/funny.png)
![angry](https://ratnagirikhabardar.com/assets/img/reactions/angry.png)
![sad](https://ratnagirikhabardar.com/assets/img/reactions/sad.png)
![wow](https://ratnagirikhabardar.com/assets/img/reactions/wow.png)