लांजा : भांबेड येथील बागेत आढळले दुर्मीळ शेकरू
![लांजा : भांबेड येथील बागेत आढळले दुर्मीळ शेकरू](https://ratnagirikhabardar.com/uploads/images/202407/image_870x_66826f73c815d.jpg)
लांजा : तालुक्यातील भांबेड येथील मुंबईस्थित नवल शेवाळे यांच्या बागेत शेकरू हा अत्यंत दुर्मीळ प्राणी आढळला आहे. या शेकरूचे झाडांवर बागडतानाचे दृश्य नवल शेवाळे यांनी टिपले आहे. लांजा तालुक्यात शेकरू आढळणे, ही गाेष्ट सुखद आणि दिलासा देणारी असल्याचे लांजाचे वनपाल दिलीप आरेकर यांनी सांगितले.
राज्य पशू
शेकरू हा प्राणी हा खारीची एक प्रजाती आहे. त्याला 'उडती खार'ही म्हणतात. त्याचे शास्त्रीय नाव 'रॅटुफा इंडिका' असे आहे. शेकरू हा महाराष्ट्र राज्याचा राज्य पशू आहे. हा प्राणी भीमाशंकर या भागात जास्त प्रमाणात आढळताे. रानआंबा, आंबाडा, किंजळ, रान बिब्बा, हिरडा, नाना, बेहडा, फणस, चांदाडा, उंबर या झाडांवर त्याला राहायला आवडते. याच झाडांवरील फळांचे अन्न म्हणून ताे उपयोग करताे.
दिवसाच सक्रिय
शेकरूचे जीवनचक्र साधारण १५ वर्षे आहे. शेकरूची मादी तीन वर्षांत व नर पाच वर्षांत वयात येतो. शेकरू एकावेळेला १ ते २ पिलांना जन्म देते. शेकरू फक्त दिवसा सक्रिय असतो. सुर्योदय झाला की शेकरू घराबाहेर पडते, ठरलेल्या झाडावर अन्न खाते. सकाळी ११ ते ३ आराम करते. पुन्हा सूर्यास्तापर्यंत खाद्य खाऊन अंधारापूर्वी घरट्यात परततो.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
14:27 01-07-2024
What's Your Reaction?
![like](https://ratnagirikhabardar.com/assets/img/reactions/like.png)
![dislike](https://ratnagirikhabardar.com/assets/img/reactions/dislike.png)
![love](https://ratnagirikhabardar.com/assets/img/reactions/love.png)
![funny](https://ratnagirikhabardar.com/assets/img/reactions/funny.png)
![angry](https://ratnagirikhabardar.com/assets/img/reactions/angry.png)
![sad](https://ratnagirikhabardar.com/assets/img/reactions/sad.png)
![wow](https://ratnagirikhabardar.com/assets/img/reactions/wow.png)