मुंबई-गोवा महामार्गावर 3 दिवसांचा 'मेगाब्लॉक'
◼️ पर्यायी मार्गाचा वापर करण्याचे आवाहन
रत्नागिरी : मुंबई-गोवा राष्ट्रीय महामार्गावरील मुंबई व गोवा वाहिनीवरील पुई येथील म्हैसदरा नवीन ब्रिजचे गर्डर बसविण्याचे काम ११ ते १३ जुलै रोजी सकाळी ६ ते ८ व दुपारी २ ते ४ दरम्यान करण्यात येणार आहे. या काळात या मार्गावरील सर्व प्रकारची वाहतूक बंद राहणार आहे.
या मार्गावर धावणाऱ्या वाहनांसाठी पर्यायी मार्ग देण्यात आले असून त्याचा वापर करण्याचे आवाहन राज्य पोलीस विभागाने केले आहे. मुंबई-गोवा राष्ट्रीय महामार्गावर मुंबई व गोवा वाहिनीवर कल्याण टोल इन्फा. कंपनीतर्फे पुई येथील म्हैसदरा नवीन पुलाच्या गर्डर बसविण्याचे काम ११ जुलै ते १३ जुले रोजी सकाळी ६ वा. ते सकाळी ८ वाजेपर्यंत व दुपारी २ वा. ते दुपारी ४ वाजेपर्यंत करण्यात येणार आहे. त्यामुळे नियोजित कामाच्या वेळी मुंबई – गोवा राष्ट्रीय मार्गावर मुंबई व गोवा वाहिनीवर सर्व प्रकारची वाहने (हलकी व जड – अवजड वाहने) यांची वाहतूक बंद करण्यात येणार आहे.
पर्यायी मार्ग
मुंबई – गोवा राष्ट्रीय महामार्गावरून मुंबई ते गोवा वाहिनीवर (मुंबईहून गोळाकडे) जाणारी हलकी वाहने व बसेस या वाकण फाटा येथून भिसे खिंड-रोहा – कालाडवरून वळवून मुंबई – गोवा राष्ट्रीय महामार्ग क्र. ६६ या मार्गावरून मार्गस्थ करता येतील.
मुंबई-गोवा राष्ट्रीय महामार्ग क्र. ६६ वरून मुंबई से गोवा वाहिनीवर (मुंबईहुन गोव्याकडे) जाणारी हलकी वाहने व बसेस या वाकण फाटा येथून पाली-रवाळजे कोलाड किंवा पाली – रवाळजे – निजामपूर – माणगाववरून वळवून मुंबई-गोवा राष्ट्रीय महामार्ग क्र. ६६ या मार्गावरून मार्गस्थ करता येतील. खोपोली – पाली – वाकण राष्ट्रीय महामार्ग क्र.५४८ ए मर्गावरून मुंबई ते गोवा वाहिनीवर (मुंबईहून गोव्यावाडे) जाणारी हलकी वाहने व बसेस या पाली – रवाळजे – कोलाड किंवा पाली – रवाळजे – निजामपूर – माणगाववरून वळवून मुंबई – गोवा राष्ट्रीय महामार्ग क्र. ६६ या मार्गावरून मार्गस्थ करता येतील.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
10:07 11-07-2024
What's Your Reaction?