चिंचवड / चिपळूण: ‘Chiplun Tourism Fund’ च्या अंतर्गत चिपळूण तालुक्यासाठी एक अत्यंत आनंदाची आणि महत्त्वाची बातमी समोर आली आहे. तालुक्यातील टेरव येथील वन उद्यानाच्या अपूर्ण राहिलेल्या कामांसाठी महाराष्ट्र शासनाकडून तब्बल १.६० कोटी रुपयांचा भरीव निधी मंजूर करण्यात आला आहे. आमदार शेखर निकम यांनी शासन स्तरावर केलेल्या सातत्यपूर्ण आणि प्रभावी पाठपुराव्यामुळे हा निधी मिळवण्यात मोठे यश आले आहे. या निधी मंजुरीमुळे गेल्या काही काळापासून रखडलेली विकासकामे आता गतीने पूर्ण होणार असल्याने टेरव पंचक्रोशीतील ग्रामस्थांमध्ये आनंदाचे वातावरण आहे.
‘उत्तमराव पाटील वन उद्यान योजने’ला ३१ मार्च २०२७ पर्यंत मुदतवाढ
महाराष्ट्र शासनाने ‘स्व. उत्तमराव पाटील वन उद्यान निर्मिती योजने’ला ३१ मार्च २०२७ पर्यंत अधिकृत मुदतवाढ दिली आहे. याच योजनेच्या अंतर्गत टेरव (ता. चिपळूण) येथील वन उद्यानाच्या अपूर्ण कामांना गती देण्यासाठी हा विशेष निधी वितरित करण्यात आला आहे. आमदार शेखर निकम यांनी या योजनेच्या माध्यमातून निधी मंजूर करून घेण्यासाठी प्रशासकीय पातळीवर महत्त्वाची भूमिका बजावली. त्यांच्या या ध्येयवादी प्रयत्नांमुळेच निधीचा मार्ग सुकर झाला आहे.
सरपंच किशोर कदम यांच्या पाठपुराव्याला यश; ग्रामस्थांकडून समाधान
टेरव गावाचे सरपंच किशोर कदम यांनीही या वन उद्यानाच्या कामासाठी वेळोवेळी प्रशासनाकडे पाठपुरावा केला होता. त्यांच्या सक्रिय सहकार्यामुळे आणि आमदारांच्या खंबीर नेतृत्वामुळे हा निधी वेळेत मंजूर होण्यास मोठी मदत झाली. शासनाच्या या महत्त्वपूर्ण निर्णयामुळे टेरव वन उद्यानाचा चेहरामोहरा बदलणार आहे. या प्रकल्पामुळे परिसरात मोठ्या प्रमाणावर पर्यटन वाढणार असून, पर्यावरण संवर्धन आणि स्थानिक पातळीवर रोजगाराच्या नवीन संधी उपलब्ध होऊन विकासाला मोठी चालना मिळणार असल्याची भावना स्थानिक ग्रामस्थांनी व्यक्त केली आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
13:05 23-06-2026
