Tukaram Mundhe News: एका दिवसासाठी मुख्यमंत्री बनवल्यास काय कराल?; तुकाराम मुंढेंचं रोखठोक उत्तर

मराठी वृत्तवाहिनीला दिलेल्या मुलाखतीत तुकाराम मुंढे यांचे मोठे विधान

मुंबई: अन्न व औषध प्रशासनाचे (FDA) नवनियुक्त आयुक्त तुकाराम मुंढे (Tukaram Mundhe News) यांनी पदभार स्वीकारल्यापासून राज्यभरात अन्न माफियांविरोधात अत्यंत धडाकेबाज मोहीम सुरू केली आहे. प्रतिबंधित गुटखा, पानमसाला आणि भेसळयुक्त दूध विक्री करणाऱ्यांवर कडक कायदेशीर बडगा उगारल्यामुळे सध्या त्यांची राज्यभरात मोठी चर्चा आहे. याच पार्श्वभूमीवर, मुंढे यांनी एका मराठी वृत्तवाहिनीला दिलेल्या मुलाखतीत विविध मुद्द्यांवर आपली रोखठोक भूमिका मांडली आहे.

या मुलाखतीदरम्यान त्यांना, “जर तुम्हाला ‘नायक’ सिनेमासारखं एका दिवसासाठी मुख्यमंत्री बनवलं आणि अमर्याद अधिकार दिले, तर तुम्ही काय कराल?” असा थेट प्रश्न विचारण्यात आला. यावर आपल्या खास शैलीत उत्तर देताना मुंढे म्हणाले, “लोकशाहीमध्ये असे अमर्याद अधिकार कोणाकडेच नसतात. एक शासकीय कर्मचारी म्हणून समाज विकसित करणे, त्याला मार्गदर्शन व ताकद देणे हे आपले कर्तव्य आहे. मला कोणताही रोल मिळाला, तरी तो पूर्ण पारदर्शकतेने पार पाडण्यावर माझा भर असेल. लोक मला ‘नायक’ म्हणत असले तरी मी त्यांचे आभार मानतो आणि तो चांगला हेतू स्वीकारतो.”

एफडीएचा पदभार आणि अन्न माफियांना इशारा

गेल्या काही काळापासून लाचखोरी आणि भ्रष्टाचाराच्या आरोपांमुळे चर्चेत आलेल्या अन्न आणि औषध प्रशासन (FDA Maharashtra) विभागात पारदर्शकता आणण्यासाठी राज्य सरकारने मे २०२६ मध्ये तुकाराम मुंढे यांची आयुक्तपदी नियुक्ती केली होती. पदभार स्वीकारताच त्यांनी हॉटेल, रेस्टॉरंट आणि दूध व्यावसायिक यांच्यासाठीचे नियम कडक करत नियमबाह्य काम करणाऱ्यांना कडक इशारा दिला आहे. त्यांच्या या धडक कारवायांमुळे अन्न भेसळ करणाऱ्यांचे धाबे दणाणले आहेत.

आतापर्यंतच्या कारकिर्दीतील बदल्यांचा सविस्तर प्रवास

आपल्या शिस्तप्रिय आणि कर्तव्यदक्ष स्वभावामुळे नेहमीच चर्चेत राहिलेल्या तुकाराम मुंढे यांची शासकीय कारकीर्द अत्यंत वादळी आणि विविध पदांनी समृद्ध राहिलेली आहे. २००५ पासून ते आतापर्यंत त्यांनी भूषवलेली महत्त्वाची पदे खालीलप्रमाणे आहेत:

दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
15:08 08-07-2026