पावसाळी अधिवेशनाच्या पहिल्या दिवशी विरोधकांच्या गदारोळावर आणि जंतर-मंतरवरील निदर्शनांवर भाजप खासदार कंगना राणौत यांची तिखट प्रतिक्रिया
पावसाळी अधिवेशनादरम्यान कंगना राणौत यांचे विरोधकांवर घणाघाती टीकास्त्र
Kangana Ranaut on Cockroach Janta Party Protest बॉलिवूड अभिनेत्री आणि मंडी लोकसभेच्या भाजप खासदार कंगना राणौत (Kangana Ranaut) यांनी संसदेच्या पावसाळी अधिवेशनादरम्यान विरोधक तसेच आंदोलनकर्त्यांवर कडक शब्दांत हल्लाबोल केला आहे. दिल्लीतील जंतर-मंतर परिसर आणि संसद भवनाबाहेर सुरू असलेल्या आंदोलनांच्या पार्श्वभूमीवर, पत्रकारांशी संवाद साधताना त्यांनी सरकारवर दबाव आणण्याचा प्रयत्न करणाऱ्यांना थेट इशारा दिला.
कंगना राणौत म्हणाल्या, “संसदेतील अधिवेशन हे विविध धोरणात्मक आणि सार्वजनिक प्रश्नांवर सविस्तर चर्चा करण्यासाठी असते. देशातील जनतेचे प्रश्न मांडता यावेत यासाठी अधिवेशन सुरळीत चालणे अत्यंत गरजेचे आहे. मात्र, कामकाज रोखून धरणे, सतत गोंधळ घालणे आणि सरकारला काम करू न देणे हे अजिबात योग्य नाही. देशातील जनतेने ज्या पक्षाला निवडून दिले आहे, त्या सरकारला कारभार कसा चालवायचा हा पूर्ण अधिकार जनतेनेच दिला आहे.”
‘सरकारचे हात पिरगळता येणार नाहीत’; दबावतंत्रावर वक्तव्य
जंतर-मंतर येथील कॉकरोच जनता पार्टीचे (CJP) आंदोलन आणि विरोधकांच्या मागण्यांचा संदर्भ देत त्या पुढे म्हणाल्या, “कोणाला पदावर ठेवायचे आणि कोणाला काढून टाकायचे, याविषयी सरकारवर कोणीही दबाव आणू शकत नाही. दबाव आणून निर्णय घ्यायला लावणे म्हणजे एक प्रकारे सरकारचे हात पिरगळण्यासारखे आहे. अशा प्रकारचे दबावतंत्र लोकशाहीत अजिबात शोभत नाही. जर कोणाला धोरणे बदलायची असतील किंवा सरकार चालवायचे असेल, तर त्यांनी स्वतः निवडणुकीला सामोरे जाऊन जनतेचा जनादेश मिळवायला हवा.”
पावसाळी अधिवेशनाच्या पहिल्या दिवशी नीट-युजी (NEET-UG) परीक्षेतील गैरप्रकार आणि शिक्षण क्षेत्राशी संबंधित प्रश्नांवरून विरोधकांनी जोरदार घोषणाबाजी केली, ज्यामुळे संसदेचे कामकाज वारंवार तहकूब करावे लागले. याच गोंधळावर कंगना राणौत यांनी आपली स्पष्ट भूमिका मांडली आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
15:15 20-07-2026
