संसदेपासून १५० मीटर अंतरावर आंदोलकांना रोखले; अश्रूधुराच्या नळकांड्या, अमानुष मारहाण आणि मेट्रो स्टेशन्सना वेढा घालण्याने दिल्लीत अभूतपूर्व तणाव
Electric Shock to Jantar Mantar Protestor संदर्भात एक धक्कादायक आणि संतापजनक घडामोडी समोर येत आहे. कॉकरोच जनता पार्टीकडून (CJP) पुकारण्यात आलेले ‘चलो संसद’ आंदोलन चिरडण्यासाठी दिल्ली पोलिसांनी अत्यंत अमानुष बळाचा वापर केल्याने जंतर-मंतर आणि संसद परिसरात प्रचंड गोंधळ व पळापळ झाली आहे. संसदेच्या अवघ्या १५० मीटर अंतरावर मोर्चा रोखण्यात आला असून सर्व रस्ते बंद करण्यात आले आहेत.
सकाळी आंदोलन सुरू होण्यापूर्वीच पोलिसांनी अमानुष मारहाण करत अनेक तरुण-तरुणींची डोकी फोडल्याचा आरोप आंदोलकांनी केला आहे. इतकेच नव्हे तर, आंदोलकांना रोखण्यासाठी पोलिसांनी लावलेल्या लोखंडी बॅरिकेड्समध्ये थेट इलेक्ट्रिक करंट (वीज) सोडल्याचा गंभीर आरोप आंदोलकांनी केला आहे. अनेक आंदोलकांनी बॅरिकेड्सना हात लावताच त्यांना विजेचा धक्का (करंट) बसल्याचा दावा केला. या गंभीर आरोपांबाबत पत्रकारांनी विचारणा केली असता, दिल्ली पोलिसांनी कोणतेही स्पष्टीकरण न देता ‘बाजूला व्हा, बाजूला व्हा’ असे म्हणत उत्तर देणे टाळले.
अश्रूधुराच्या नळकांड्या अन् मेट्रो स्टेशन्सना वेढा
सकाळपासूनच देशभरातून आलेले हजारो विद्यार्थी आणि नागरिक जंतर-मंतरवर जमा झाले होते. जमावाला पांगवण्यासाठी पोलिसांनी लाठीमार करण्यासोबतच अश्रूधुराच्या नळकांड्या (Tear Gas) फोडल्या, ज्यामुळे आंदोलकांची मोठी पळापळ झाली. पोलिसांच्या या अमानुष कारवाईनंतर संतापलेल्या आंदोलकांनी ‘आम्हाला मारा, आम्हाला मारा’ असे थेट आव्हान पोलिसांना दिले.
मोर्चाची तीव्रता ओळखून आंदोलकांनी राजीव चौक आणि मंडी हाऊस मेट्रो स्टेशनला वेढा घालत प्रचंड गर्दी केली होती. सकाळी १० वाजेपासूनच आंदोलकांनी संसदेच्या दिशेने आगेकूच सुरू केली होती. सध्या संसदेचे कामकाज सुरू असून संसद परिसराला लष्करी छावणीचे स्वरूप आले आहे आणि सर्व मुख्य मार्ग पोलिसांनी छावणीत रूपांतरित केले आहेत.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
15:37 20-07-2026
