२२ लाख विद्यार्थ्यांचे भविष्य वाचवण्यासाठी सरकार आक्रमक: मंत्रिमंडळ बैठकीत मसुद्यावर होणार चर्चा
नवी दिल्ली: Narendra Modi on the NEET Exam Paper Leak (नीट पेपरफुटीवर पंतप्रधान मोदींची भूमिका) संदर्भात संपूर्ण देशाचे लक्ष लागून राहिलेल्या मुद्द्यावर अखेर पंतप्रधान नरेंद्र मोदी यांनी रात्री उशिरा थेट भाष्य केले आहे. नीट परीक्षा पेपरफुटीचा विषय अत्यंत गंभीर असून, दोषींवर कठोर कारवाई करण्यासाठी फास्ट ट्रॅक कोर्ट आणि कडक शिक्षेची तरतूद असणारे विशेष विधेयक संसदेत मंजूर करण्यासाठी सरकार कटिबद्ध असल्याचे त्यांनी स्पष्ट केले.
फास्ट ट्रॅक कोर्ट आणि कठोर शिक्षेची तरतूद पंतप्रधान नरेंद्र मोदी यांनी एका विशेष व्हिडिओ संदेशाद्वारे देशवासीयांशी संवाद साधताना म्हटले की, “पेपरफुटीचा विषय अत्यंत गंभीर आहे. या प्रकरणाची सुनावणी जलद गतीने होण्यासाठी फास्ट ट्रॅक कोर्ट स्थापन करण्याच्या सूचना देण्यात आल्या आहेत. कठोर शिक्षेची तरतूद असलेल्या मसुद्यावर मंत्रिमंडळाच्या बैठकीत सविस्तर चर्चा होईल आणि त्यानंतर हे विधेयक संसदेत मंजुरीसाठी मांडले जाईल.”
२२ लाख विद्यार्थ्यांची पुन्हा परीक्षा अन् निकाल जाहीर विद्यार्थ्यांच्या भविष्याबाबत बोलताना पंतप्रधान म्हणाले की, परीक्षा रद्द झाल्यामुळे लाखो विद्यार्थ्यांचे शैक्षणिक वर्ष वाया जाऊ नये, ही सरकारची सर्वात मोठी जबाबदारी होती. सरकारने आपल्या सर्व शक्तीचा वापर करून अत्यंत कमी वेळेत २२ लाख विद्यार्थ्यांची पुन्हा परीक्षा घेण्याची चोख व्यवस्था केली. १९ तारखेला या परीक्षेचा निकालही जाहीर करण्यात आला आहे.
गुन्हेगार तुरुंगात; रात्रीतून मसुदा तयार गेल्या अडीच महिन्यांत सरकारने या प्रकरणात ठोस पावले उचलली असून मुख्य गुन्हेगार सध्या तुरुंगात आहेत. हा विषय केवळ निकालापुरता मर्यादित नसून संपूर्ण शिक्षण व्यवस्थेच्या पारदर्शकतेशी संबंधित आहे. त्यामुळेच संबंधित विभागांनी रात्रीतून या विधेयकाचा मसुदा तयार केला असून, मंत्रिमंडळाच्या बैठकीत त्याला अंतिम स्वरूप देऊन संसदेच्या मंजुरीसाठी पाठवले जाईल, असे आश्वासन पंतप्रधान मोदी यांनी दिले आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
11:27 24-07-2026
