सर्वोच्च न्यायालयातून न्याय मिळण्याची आशा व्यक्त करत पदाधिकाऱ्यांना २०२९ च्या निवडणुकांच्या तयारीला लागण्याचे आदेश
मुंबई: Uddhav Thackeray Shiv Sena Hearing आणि पक्षाच्या धनुष्यबाण या चिन्हाबाबत सर्वोच्च न्यायालयात गेल्या चार वर्षांपासून सुरू असलेल्या सुनावणीच्या पार्श्वभूमीवर शिवसेना (उद्धव बाळासाहेब ठाकरे) पक्षप्रमुख उद्धव ठाकरे यांनी महत्त्वपूर्ण विधान केले आहे. शिवसेना भवन येथे आयोजित जिल्हाप्रमुख व संपर्कप्रमुखांच्या बैठकीत बोलताना, सर्वोच्च न्यायालय शिवसेना पक्ष व चिन्ह आपल्यालाच देईल आणि जर चिन्ह मिळाले नाही तर ते गोठवले जाईल, असा ठाम विश्वास त्यांनी व्यक्त केला.
Uddhav Thackeray Shiv Sena Hearing च्या पार्श्वभूमीवर २०२९ च्या निवडणुकांचे वेध
शिवसेना भवनात पार पडलेल्या या बैठकीत पक्षाच्या आगामी रणनीतीवर सविस्तर चर्चा करण्यात आली. सध्याचा काळ पक्षवाढीसाठी अत्यंत अनुकूल असून पदाधिकाऱ्यांनी आतापासूनच २०२९ च्या लोकसभा व विधानसभा निवडणुकांच्या तयारीला लागावे, असे निर्देश उद्धव ठाकरे यांनी दिले. यासोबतच पक्षबांधणीवर भर देत जास्तीत जास्त कार्यकर्ते जोडण्याच्या आणि आगामी ग्रामपंचायत निवडणुकांवर विशेष लक्ष केंद्रित करण्याच्या सूचना त्यांनी दिल्या. काम न करणाऱ्या पदाधिकाऱ्यांना कानपिचक्या देताना, जबाबदारी पार पाडता येत नसेल तर पद सोडावे, अशा सदस्यांना अन्य जबाबदारी दिली जाईल असा इशाराही त्यांनी दिला.
या बैठकीत ८ ऑगस्टपर्यंत ‘एसआयआर’ (SIR) नोंदणी मोहीम प्रभावीपणे राबवण्याचे आदेश देण्यात आले. या प्रक्रियेतून एकाही पात्र व्यक्तीचे नाव वगळले जाणार नाही याची काळजी घेण्याचे निर्देश त्यांनी पदाधिकाऱ्यांना दिले. याशिवाय, नीट परीक्षा (NEET) प्रश्नपत्रिका फुटीच्या मुद्द्यावर भाष्य करताना, ज्या विद्यार्थ्यांनी यामुळे आत्महत्या केली आणि ज्यांच्यावर प्रशासनाकडून लाठीचार्ज करण्यात आला, त्यांची सरकारने माफी मागितली पाहिजे अशी मागणी त्यांनी केली.
उल्लेखनीय आहे की, २०२२ मध्ये शिवसेनेतील फुटीनंतर केंद्रीय निवडणूक आयोगाने एकनाथ शिंदे यांच्या पक्षाला मूळ शिवसेना म्हणून मान्यता देत धनुष्यबाण चिन्ह बहाल केले होते. या निर्णयाला उद्धव ठाकरे यांनी सर्वोच्च न्यायालयात आव्हान दिले असून, या प्रकरणी सर्वोच्च न्यायालयात सुनावणी सुरू आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
15:58 01-08-2026
