तंत्रज्ञानासह सामाजिक बांधिलकीचा मेळ; ‘इनोव्हेटिव्ह पोलिसिंग’च्या माध्यमातून पोलिसांचा नागरिकांशी थेट संवाद
रत्नागिरी :
Ratnagiri Police Initiatives अंतर्गत कायदा व सुव्यवस्था राखण्यासोबतच आधुनिक तंत्रज्ञानाचा प्रभावी वापर आणि सामाजिक बांधिलकीच्या माध्यमातून रत्नागिरी पोलिसांनी राबवलेल्या अभिनव उपक्रमांची आता देशपातळीवर दखल घेतली जात आहे. पोलिसांच्या या विविध मोहिमांचे आणि उपक्रमांचे सादरीकरण सध्या चर्चेचा विषय ठरत असून, त्यातून रत्नागिरी पोलीस दलाची ‘इनोव्हेटिव्ह पोलिसिंग’ची दिशा अधिक स्पष्ट होत आहे.
तंत्रज्ञान अन् अॅप्सच्या जोरावर गुन्हेगारीवर नियंत्रण
रत्नागिरी पोलिसांनी तंत्रज्ञानाचा वापर करत कायदा-सुव्यवस्था अधिक मजबूत करण्यासाठी अनेक अॅप्स आणि मोहिमा सुरू केल्या आहेत. यामध्ये ‘मिशन प्रतिसाद’, ‘मिशन जीवन’, ‘मिशन प्रगती’, ‘मिशन रॅपिड’, ‘रेड्स अॅप’, ‘बंदोबस्त अॅप’, ‘अधिनिर्णय’, ‘मिशन रायझिंग फ्लॉव्हर्स’ आणि ‘ऑपरेशन टेप फॉर सेफ’ यांसारख्या उपक्रमांचा समावेश आहे. याशिवाय ‘मिशन सायबर जागृती’, ‘रत्नसेतू व्हॉट्सअॅप चॅटबॉट’, ‘मिशन गस्त’, ‘मिशन निरीक्षण’, ‘मिशन संजीवनी’, ‘मिशन गती’, ‘मिशन ब्लूबर्ड’ आणि ‘मिशन फिनिक्स’ या मोहिमांद्वारे पोलिसांची कार्यक्षमता वाढवण्यात आली आहे.
सामाजिक सलोखा आणि ग्रामस्तरीय सुरक्षेवर भर
केवळ गुन्हे घडल्यानंतर कारवाई करण्यापुरते मर्यादित न राहता, प्रतिबंधात्मक उपाययोजना आणि नागरिकांच्या सहभागावर भर देण्यात आला आहे. यासाठी ‘मिशन पोलीस पाटील’, ‘डिजिटल गावनवारी’, ‘स्वॅम्प पोलीस’, ‘प्रोजेक्ट सीगल’, ‘सामाजिक सलोखा समिती’, ‘मिशन ग्राम सुरक्षा’, ‘मिशन नवी-दिशा’, ‘मिशन आरोग्य’ आणि ‘मिशन जागृत नागरिक’ यांसारखे समाजोपयोगी उपक्रम राबवले जात आहेत. तसेच नागरिकांपर्यंत माहिती पोहोचवण्यासाठी पोलिसांचे स्वतंत्र व्हॉट्सअॅप चॅनेल कार्यरत आहे.
वाहतूक सुरक्षा आणि आपत्कालीन प्रतिसादासाठी विशेष मोहिमा
रस्त्यांवरील सुरक्षितता वाढवण्यासाठी आणि अपघात रोखण्यासाठी ‘रत्नागिरी सेफ ड्राईव्ह’ आणि ‘मिशन परिपूर्ती’ या उपक्रमांना प्राधान्य देण्यात आले आहे. रत्नागिरीसारख्या भौगोलिकदृष्ट्या आव्हानात्मक जिल्ह्यात आधुनिक तंत्रज्ञान आणि स्थानिक जनसहभाग यांची योग्य सांगड घालून स्मार्ट, संवेदनशील आणि नागरिकाभिमुख पोलिसिंगची नवी ओळख निर्माण करण्याचा प्रयत्न रत्नागिरी पोलीस दलाकडून यशस्वीरीत्या केला जात आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
16:17 14-08-2026
