नदीजोड प्रकल्पांद्वारे राज्य कायमस्वरूपी दुष्काळमुक्त करण्याचा प्रयत्न; महाराष्ट्राचा आर्थिक विकास दर ८.८ टक्क्यांवर
Devendra Fadnavis Independence Day Speech अंतर्गत महाराष्ट्राच्या मागच्या पिढीने आणि या पिढीने मोठ्या प्रमाणावर दुष्काळ सहन केला आहे, मात्र महाराष्ट्राची येणारी पुढची पिढी दुष्काळ पाहणार नाही, असा ठाम विश्वास मुख्यमंत्री देवेंद्र फडणवीस यांनी व्यक्त केला. देशाच्या ८० व्या स्वातंत्र्यदिनानिमित्त राज्याला संबोधित करताना त्यांनी मराठवाडा, विदर्भ, उत्तर महाराष्ट्र आणि पश्चिम महाराष्ट्रातील दुष्काळी तालुक्यांमध्ये नदीजोड प्रकल्पांच्या माध्यमातून पाणी आणून राज्य कायमस्वरूपी दुष्काळमुक्त करण्याचा सरकारचा प्रयत्न असल्याचे प्रतिपादन केले.
स्वातंत्र्यदिनाच्या भाषणात देवेंद्र फडणवीस यांनी राज्याच्या आर्थिक आणि औद्योगिक प्रगतीचा सविस्तर पट मांडला. “महाराष्ट्र हे सध्या देशाचे ‘स्टार्टअप कॅपिटल’ बनले असून सर्वाधिक थेट परकीय गुंतवणूक (FDI) आणि एकूण गुंतवणूक महाराष्ट्रातच येत आहे. यामुळे राज्यात रोजगाराच्या सर्वाधिक संधी निर्माण करून युवाशक्तीला न्याय देण्याचे काम शासन करत आहे,” असे त्यांनी स्पष्ट केले. छत्रपती शिवाजी महाराजांची शिकवण आणि डॉ. बाबासाहेब आंबेडकरांचे संविधान यावर चालून महाराष्ट्र सतत प्रगतीपथावर असल्याचे त्यांनी नमूद केले.
Devendra Fadnavis Independence Day Speech: महिलांना शेतकरी दर्जा देणारे महाराष्ट्र पहिले राज्य; कृषी अन् पायाभूत सुधारणांवर भर
राज्याच्या आर्थिक स्थिरतेविषयी बोलताना त्यांनी सांगितले की, यंदाच्या पहिल्या सहामाहीत महाराष्ट्राचा आर्थिक विकास दर तब्बल ८.८ टक्के नोंदवला गेला आहे. राज्यातील १३ जिल्ह्यांनी त्यांचे आर्थिक टार्गेट पूर्ण केले असून गडचिरोली, पालघर आणि नंदुरबारसारख्या दुर्गम भागांपर्यंत विकास पोहोचवला जात आहे. तसेच, महिलांना शेतकऱ्याचा अधिकृत दर्जा देणारा कायदा करणारे महाराष्ट्र हे देशातील पहिले राज्य ठरले असल्याचा विशेष आनंद त्यांनी व्यक्त केला.
शेतकरी कल्याणाचा पुनरुच्चार करताना फडणवीस म्हणाले की, ‘पुण्यश्लोक अहिल्यादेवी होळकर कर्जमाफी योजने’अंतर्गत ५६ लाख शेतकऱ्यांना ३६ हजार कोटी रुपयांची कर्जमाफी दिली जात आहे. तसेच, शेतकऱ्यांना दिवसा वीज देण्याच्या संकल्पापैकी ७६ टक्के काम पूर्ण झाले असून, येत्या वर्षभरात १०० टक्के शेतकऱ्यांना दिवसा वीज पुरवठा उपलब्ध करून दिला जाईल, अशी ग्वाही त्यांनी दिली.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
10:58 15-08-2026
