उत्तर प्रदेश पोलिसांच्या ‘खाकी का सितारा’ गीत अनावरण सोहळ्यात उपस्थिती; मुख्यमंत्री योगी आदित्यनाथ यांच्याकडून नाना पाटेकर आणि शंकर महादेवन यांचे कौतुक
Nana Patekar on Independence Day अंतर्गत आपल्याला स्वातंत्र्य खूप सहजपणे मिळालेले आहे का, यावर सर्वांनी गंभीरपणे विचार केला पाहिजे, असे स्पष्ट वक्तव्य ज्येष्ठ अभिनेते नाना पाटेकर यांनी केले आहे. देशाला स्वातंत्र्य मिळवून देण्यासाठी आपल्या स्वातंत्र्यसैनिकांनी अतोनात त्याग आणि समर्पण केले आहे, त्यामुळेच आज आपण मुक्तपणे आणि सहजपणे फिरू शकत आहोत, याची आठवण त्यांनी करून दिली.
शुक्रवारी प्रसारमाध्यमांशी बोलताना नाना पाटेकर म्हणाले की, स्वातंत्र्याचा खरा अर्थ काय आहे, त्याचा योग्य वापर आणि निवड आपण कशी केली पाहिजे, याचा विचार व्हायला हवा. तसेच स्वातंत्र्याचा आनंद नेमका कसा साजरा करायचा, हे सर्वांना समजले पाहिजे, असे प्रतिपादन त्यांनी केले. उत्तर प्रदेश पोलीस दलासाठी तयार करण्यात आलेल्या ‘खाकी का सितारा’ (Khaki Ka Sitara) या विशेष प्रेरणादायी गाण्याच्या अनावरण सोहळ्यात ते बोलत होते.
Nana Patekar on Independence Day: नाना पाटेकरांचे शेतकरी कार्य अन् शंकर महादेवन यांच्या गायनाचे योगी आदित्यनाथ यांच्याकडून कौतुक
या भव्य कार्यक्रमाला उत्तर प्रदेशचे मुख्यमंत्री योगी आदित्यनाथ आणि प्रसिद्ध गायक शंकर महादेवन यांची विशेष उपस्थिती होती. कार्यक्रमात बोलताना मुख्यमंत्री योगी आदित्यनाथ यांनी नाना पाटेकर यांच्या सामाजिक व शेतकरी कल्याणाच्या कार्याचा गौरव केला. महाराष्ट्रात शेतकरी आत्महत्येचे मोठे संकट असताना नाना पाटेकर यांनी संवेदनशील माणूस म्हणून पुढे येत शेतकऱ्यांना मोठी मदत केली होती, याची आठवण त्यांनी करून दिली. कोणताही गाजावाजा न करता नाना पाटेकर सातत्याने शेतकऱ्यांसाठी कार्य करत आहेत, अशा शब्दांत मुख्यमंत्र्यांनी त्यांचे कौतुक केले.
तसेच, ‘खाकी का सितारा’ या गाण्याचे गायक शंकर महादेवन यांच्या गायनाचेही मुख्यमंत्र्यांनी कौतुक केले. “त्यांचे नाव शंकर आणि आडनाव महादेवन असल्याने ते ‘डबल शंकर’ आहेत,” अशी मिश्किल टिप्पणी योगी आदित्यनाथ यांनी केली. श्रावण महिन्यात लाँच झालेले हे गाणे पोलीस दलासाठी मोठे प्रेरणास्रोत ठरेल, असा विश्वास त्यांनी व्यक्त केला. या सोहळ्याला उत्तर प्रदेशचे पोलीस महासंचालक (DGP) राजीव कृष्ण यांच्यासह वरिष्ठ पोलीस व प्रशासकीय अधिकारी उपस्थित होते.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
11:14 15-08-2026
