महाराष्ट्रात ₹३,००० तर मध्य प्रदेशात ₹१,७५० ची भेट; पैसे खात्यात जमा झाले की नाही हे कसे तपासाल? जाणून घ्या सविस्तर..
मुंबई:
Ladki Bahin Scheme August installment 2026 संदर्भात राज्यभरातील लाभार्थी महिलांसाठी एक अत्यंत आनंदाची बातमी समोर आली आहे. दर महिन्याला लाडकी बहीण योजनेचा हप्ता महिलांच्या खात्यात जमा होत असतो, मात्र काही वेळा तांत्रिक कारणांमुळे हप्ता मिळण्यास उशीर झाल्याच्या तक्रारी महिलांकडून केल्या जात होत्या. आता रक्षाबंधन या पवित्र सणाच्या पार्श्वभूमीवर महाराष्ट्र शासन पात्र महिलांच्या बँक खात्यात थेट दोन महिन्यांचे हप्ते एकत्र जमा करणार आहे.
महाराष्ट्रात ₹३,००० तर मध्य प्रदेशात ₹१,७५० ची भेट
रक्षाबंधनाचे औचित्य साधून मध्य प्रदेशचे मुख्यमंत्री डॉ. मोहन यादव यांनी ‘लाडली बहना’ योजनेअंतर्गत १.२५ कोटींहून अधिक महिलांना भेट दिली आहे. १९ ऑगस्ट रोजी मैहर येथील कार्यक्रमात १५०० रुपयांच्या नियमित हप्त्यासोबत २५० रुपये अतिरिक्त सगुण म्हणून देण्यात येणार असून एकूण १७५० रुपये महिलांच्या खात्यात वर्ग केले जातील.
दुसरीकडे, महाराष्ट्र सरकार रक्षाबंधनाला लाडक्या बहिणींना दोन महिन्यांचे एकत्र ३,००० रुपये (प्रत्येकी १५०० प्रमाणे) देणार आहे. यामुळे रक्षाबंधन सणाच्या मुहूर्तावर महाराष्ट्रातील लाभार्थी महिलांना शासनाकडून मोठी आर्थिक ओवाळणी मिळणार आहे.
पैसे खात्यात जमा झाले की नाही हे कसे तपासाल?
तुमच्या बँक खात्यात लाडकी बहीण योजनेचे पैसे जमा झाले आहेत की नाही, हे तपासण्यासाठी खालील सोप्या स्टेप्स फॉलो करा:
- पोर्टलला भेट द्या: सर्वात आधी लाडकी बहीण योजनेच्या अधिकृत संकेतस्थळाला (Portal) भेट द्या.
- लॉग इन करा: तुमचा नोंदणीकृत मोबाईल नंबर आणि प्राप्त झालेला OTP टाकून लॉग इन करा.
- ट्रान्झॅक्शन हिस्ट्री: डॅशबोर्डवर उपलब्ध असलेल्या ‘Transaction History’ किंवा ‘पेमेंट स्टेटस’ पर्यायावर क्लिक करा.
- हप्ता तपासा: तेथे तुम्हाला खात्यात जमा झालेली रक्कम आणि जमा झाल्याची तारीख दिसून येईल.
त्याचप्रमाणे, तुमच्या बँकेकडून मोबाईलवर प्राप्त होणारे एसएमएस किंवा बँक पासबुक अपडेट करूनही तुम्ही जमा झालेली रक्कम सहज तपासू शकता.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
12:44 17-08-2026
