भरणे उड्डाणपुलाजवळ मध्यरात्री घडली घटना; धोकादायकपणे ट्रक उभा केल्याने दुचाकीस्वाराचा अपघात
खेड (रत्नागिरी):
Bharne Khed Highway Truck Accident (खेड भरणे महामार्ग अपघात बातमी): मुंबई-गोवा महामार्गावर खेड तालुक्यातील भरणे उड्डाणपुलाजवळ धोकादायक स्थितीत उभ्या असलेल्या ट्रकला दुचाकीस्वाराने धडक दिल्याची घटना घडली आहे. ही घटना १७ ऑगस्ट २०२६ रोजी मध्यरात्री साडेबारा वाजेच्या सुमारास घडली असून, याप्रकरणी खेड पोलीस ठाण्यात गुन्हा दाखल करण्यात आला आहे.
मुंबईच्या दिशेने जाणाऱ्या वाहनांना अडथळा
पोलीस सूत्रांकडून मिळालेल्या माहितीनुसार, आरोपी ट्रक चालक दुरेश तुकाराम आखाडे (वय ३८, रा. भरणे शिक्षक कॉलनी, खेड) याने आपल्या ताब्यातील ट्रक मुंबईच्या दिशेने जाणाऱ्या वाहनांना अडथळा व धोका निर्माण होईल अशा अत्यंत धोकादायक स्थितीत रस्त्यावर उभा केला होता.
मध्यरात्री रस्त्याचा अंदाज न आल्याने भरधाव दुचाकी या उभ्या ट्रकला जाऊन धडकली. रस्त्यावर विनाकारण आणि सुरक्षेचे नियम डावलून वाहन उभे केल्याने हा अपघात घडल्याचे समोर आले आहे.
Bharne Khed Highway Truck Accident: खेड पोलिसांत तक्रार दाखल
या अपघातप्रकरणी प्रशांत दत्तात्रेय माळी यांनी खेड पोलीस ठाण्यात अधिकृत तक्रार दाखल केली आहे. प्राप्त तक्रारीवरून खेड पोलिसांनी ट्रक चालकाविरोधात गुन्हा नोंदवला असून, या घटनेचा पुढील अधिक तपास खेड पोलीस करत आहेत.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
15:35 19-08-2026
