‘आमची लढाई नैतिकतेची’; पक्ष आणि चिन्हाच्या प्रश्नावर सुप्रिया सुळे आक्रमक
Supriya Sule Response to Prithviraj Chavan संदर्भात काँग्रेसचे ज्येष्ठ नेते पृथ्वीराज चव्हाण यांनी २०१४ मध्येच महाविकास आघाडी (मविआ) स्थापनेचा प्रस्ताव आला होता, परंतु तो मी नाकारला होता आणि २०१९ मध्ये मीच मविआ स्थापन करण्याचा प्रस्ताव पुढे केला, असा खळबळजनक दावा केला होता. या दाव्यावर राष्ट्रवादी काँग्रेसच्या खासदार सुप्रिया सुळे यांनी आपली प्रतिक्रिया दिली आहे.
सुप्रिया सुळे यांच्या पत्रकार परिषदेतील महत्त्वाचे मुद्दे:
- पृथ्वीराज चव्हाणांच्या दाव्याला उत्तर: “लोकशाहीत प्रत्येकाला बोलण्याचा अधिकार आहे. २०१४ ला मविआचा प्रस्ताव फेटाळला आणि २०१९ ला होकार दिला, त्या काळात सोनिया गांधी काँग्रेसच्या अध्यक्ष होत्या. त्यामुळे याविषयी सोनिया गांधींनाच विचारावे लागेल,” असा टोला सुप्रिया सुळे यांनी लगावला.
- महाराष्ट्रातील अन् दिल्लीतील काँग्रेसमध्ये मतभिन्नता: “महाराष्ट्रातील काँग्रेस नेते राष्ट्रवादी काँग्रेसला नेहमीच चुकीच्या बॉक्समध्ये बसवण्याचा प्रयत्न करतात. मात्र, दिल्लीतील काँग्रेसची मुख्य लीडरशीप—राहुल गांधी, सोनिया गांधी, प्रियंका गांधी आणि के. सी. वेणुगोपाल—यांच्याशी माझी रोज गाठभेट होत असते आणि ते आम्हाला प्रेमाने बैठकीला बोलावतात. महाराष्ट्राची काँग्रेस आणि दिल्लीची काँग्रेस यांच्यात सुसंवाद नसावा, म्हणूनच मतांमध्ये हा फरक दिसतो,” असे सुप्रिया सुळे म्हणाल्या.
- अजित पवार गट अन् सुप्रीम कोर्टातील लढाई: पक्षाचे चिन्ह आणि नाव यावरून सुरू असलेल्या कायदेशीर लढाईवर बोलताना सुप्रिया सुळे म्हणाल्या, “शरद पवार हेच राष्ट्रवादी काँग्रेस पक्षाचे संस्थापक (फाउंडर मेंबर) आहेत. निवडणूक आयोगाच्या संविधानानुसार आमदारांपेक्षा संघटना कोणासोबत आहे हे महत्त्वाचे असते. निवडणूक आयोगात ते चुकीच्या पद्धतीने जिंकले असतील, पण सुप्रीम कोर्टात सत्याचाच विजय होईल.”
- नैतिकतेची लढाई: ही लढाई कोणत्याही व्यक्तीविरुद्ध नसून प्रक्रियेविरुद्ध आणि नैतिकतेची आहे. देश संविधानाने चालतो आणि शरद पवारांवर झालेला अन्याय कोर्टात नक्कीच दूर होईल, असा ठाम विश्वास त्यांनी व्यक्त केला.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
16:17 21-08-2026
