बुदल-बोऱ्या किनारपट्टीवर पोलिसांकडून तपास सुरू
बुदल बोऱ्या समुद्रकिनारा मृतदेह प्रकरणी रत्नागिरी जिल्ह्यातील गुहागर तालुक्यातील बुदल-बोऱ्या समुद्रकिनारी गुरुवारी, ३ सप्टेंबर रोजी दुपारी २.३० वाजेच्या सुमारास एका अज्ञात पुरुषाचा धड नसलेला आणि अत्यंत कुजलेल्या अवस्थेतील मृतदेह स्थानिक खडकांमध्ये आढळून आला. मृत व्यक्तीचे अंदाजे वय ४५ वर्षे असून त्याची अद्याप ओळख पटलेली नाही. या घटनेची माहिती मिळताच पोलिसांनी तात्काळ घटनास्थळी धाव घेऊन मृतदेहाचा पंचनामा केला असून पुढील कायदेशीर प्रक्रिया सुरू केली आहे.
स्थानिक यंत्रणेकडून तात्काळ कार्यवाही
समुद्रकिनारऱ्यावरील खडकांमध्ये मृतदेह अडकल्याचे निदर्शनास आल्यानंतर स्थानिक नागरिकांनी याबाबतची माहिती पोलीस यंत्रणेला दिली. त्यानंतर गुहागर पोलिसांनी घटनास्थळी पोहोचून आवश्यक ती प्राथमिक कार्यवाही पूर्ण केली. मृतदेह पूर्णपणे कुजलेला असल्याने तसेच धडाचा काही भाग गायब असल्यामुळे घटनास्थळी प्राथमिक पाहणीदरम्यान मृत व्यक्तीची ओळख पटू शकली नाही.
गुहागर पोलिसांत आकस्मिक मृत्यूची नोंद
या घटनेसंदर्भात गुहागर पोलीस ठाण्यात आमृ. क्रमांक ३८/२०२६, बी.एन.एस.एस. कलम १९४ अन्वये ३ सप्टेंबर रोजी रात्री ९.११ वाजता नोंद करण्यात आली आहे. मृतदेह समुद्राच्या पाण्याच्या प्रवाहासोबत वाहून येथे आला असावा किंवा इतर काही कारण असावे, यादृष्टीने पोलीस विविध शक्यतांचा तपास करत आहेत.
बुदल बोऱ्या समुद्रकिनारा मृतदेह तपासाचे पुढील टप्पे
मृतदेहाची ओळख पटवणे हे सध्या पोलिसांपुढील मुख्य आव्हान आहे. यासाठी परिसरातील व लगतच्या सागरी भागातील हरवलेल्या व्यक्तींच्या (Missing Persons) तक्रारींची तपासणी केली जात आहे. मृतदेहाचे शवविच्छेदन (Post-mortem) आणि इतर वैद्यकीय तपासणीनंतरच मृत्यूचे नेमके कारण आणि वेळ स्पष्ट होणार असल्याचे पोलिसांकडून सांगण्यात आले आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
13:51 07-09-2026
