रत्नागिरीतून औशात बदली; कुमार चौधरी यांची नाशिकला बदली
लातूर:
लातूर जिल्ह्यातील औसा उपविभागातील पोलीस प्रशासनात मोठा आणि महत्त्वपूर्ण प्रशासकीय बदल करण्यात आला आहे. भारतीय पोलीस सेवा (IPS) अधिकारी अरंशा यादव यांची औसा उपविभागीय पोलीस अधिकारी (DYSP) म्हणून अधिकृत नियुक्ती करण्यात आली आहे. महाराष्ट्र शासनाच्या गृह विभागाने २ नोव्हेंबर २०२६ रोजी या संदर्भातील शासन आदेश जारी केला आहे.
रत्नागिरीतून औशात बदली आणि कुमार चौधरींची नाशिकला रवानगी
गृह विभागाच्या अधिकृत आदेशानुसार, आयपीएस अरंशा यादव यांची रत्नागिरी उपविभागातून औसा उपविभागीय पोलीस अधिकारीपदी बदली करण्यात आली आहे. तर औसा येथे कार्यरत असलेले विद्यमान उपविभागीय पोलीस अधिकारी श्री. कुमार चौधरी यांची नाशिक येथे बदली करण्यात आली आहे.
Aransha Yadav Ausa DYSP : कार्यक्षमतेमुळे नागरिकांमध्ये उत्सुकता
‘लेडी सिंघम’ अशी ओळख असलेल्या आयपीएस अरंशा यादव यांच्या नियुक्तीमुळे औसा उपविभागातील संपूर्ण पोलीस प्रशासनाची धुरा आता त्यांच्या कणखर खांद्यावर सोपवण्यात आली आहे. या महत्त्वाच्या प्रशासकीय बदलाबद्दल औसा शहरासह संपूर्ण परिसरातून विविध चर्चांना उधाण आले असून नागरिकांचे लक्ष पोलीस यंत्रणेच्या पुढील कामकाजाकडे लागले आहे. अरंशा यादव लवकरच आपला पदभार स्वीकारणार असून, त्यांच्या नेतृत्वाखाली औसा उपविभागातील कायदा व सुव्यवस्थेला कोणती नवी दिशा मिळते, याबाबत नागरिकांमध्ये उत्सुकता व्यक्त होत आहे.
