१५ जुलै ते ७ ऑक्टोबर २०२६ या कालावधीत उभारण्यात आले होते अनधिकृत शेड; पोलिसांकडून कारवाई सुरू
देवरुख: Devrukh Unauthorized Shed Construction या प्रकरणाबाबत देवरुख शहरात विनापरवाना लोखंडी पत्र्याचे छप्पर आणि चारही बाजूंनी लोखंडी जाळीने बंदिस्त शेड उभारल्याप्रकरणी कल्याणी जयंत सरदेशपांडे (रा. मधली आळी, देवरुख) यांच्याविरुद्ध गुन्हा दाखल करण्यात आला आहे. याप्रकरणी देवरुख पोलीस ठाण्यात गुन्हा नोंदवण्यात आला आहे.
पोलिसांनी दिलेल्या माहितीनुसार, १५ जुलै ते ७ ऑक्टोबर २०२६ या कालावधीत देवरुख येथे संशयिताने स्वतःच्या मालकीच्या जागेत कारखान्याच्या कामासाठी लोखंडी पत्र्याचे छप्पर असलेले आणि चारही बाजूंनी लोखंडी जाळीने बंदिस्त शेड विनापरवाना उभारले होते. या अनधिकृत बांधकामाबाबत नोटीस बजावूनही ते हटवण्यात आले नाही. याप्रकरणी श्रद्धा अरंजय कांबळे (वय २७, रा. दतनगर, देवरुख) यांनी तक्रार दिली. त्यानुसार महाराष्ट्र प्रादेशिक व नगररचना अधिनियम १९६६ मधील कलम ५२, ५३, ५४ व ५५ अन्वये गुन्हा दाखल करण्यात आला असून, देवरुख पोलिसांकडून या प्रकरणाचा पुढील तपास सुरू आहे.
