लांजा : येथील ६८ वर्षीय ज्येष्ठ नागरिक सविता विलास सावंत यांच्या घरातून तब्बल ४ लाख १७ हजार रुपयांचे सोन्याचे दागिने चोरीला गेल्याची धक्कादायक घटना समोर आली आहे. सावंत यांच्याच विश्वासातील एका महिलेने हे कृत्य केल्याचा संशय असून, पोलिसांनी संशयित महिलेवर गुन्हा दाखल केला आहे.
सविता सावंत, ज्या पुनस सावंतवाडी, तालुका लांजा येथे राहतात, यांच्या घरात २८ ऑगस्ट ते ३ सप्टेंबर २०२५ या काळात ही चोरी झाली. घरातल्या मधल्या खोलीतील गोद्रेज कपाटातील लॉकरमध्ये ठेवलेले ५८ ग्रॅम वजनाचे सोन्याचे दागिने संशयित महिलेने त्यांच्या संमतीशिवाय चोरले. या दागिन्यांची एकूण किंमत ४ लाख १७ हजार रुपये इतकी आहे. या घटनेची माहिती मिळताच १५ सप्टेंबर रोजी रात्री ८ वाजून ५५ मिनिटांनी लांजा पोलीस ठाण्यात या प्रकरणी गुन्हा दाखल करण्यात आला आहे. अधिक तपास पोलीस करत आहेत. घरातीलच व्यक्तीने किंवा जवळच्या परिचिताने केलेल्या या विश्वासघातामुळे परिसरात खळबळ उडाली आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
02:15 PM 16/Sep/2025
