पुण्यात डेक्कन परिसरात विजेचा शॉक लागून तीन कामगारांचा मृत्यू
पुणे : पुणे शहरात मागील तीन दिवसापासून संततधार सुरू असून पावसामुळे रस्त्यांवर पाणी साचले असून अनेक भागात रस्त्याला नाल्याचे स्वरूप प्राप्त झाले आहे. डेक्कन परिसरात असणाऱ्या भिडे पूल परिसरातील झेड ब्रिज खाली असणाऱ्या अंडा भुर्जी स्टॉल नदी पात्रात पाण्याचा विसर्ग वाढल्याने काम करणारे तीन लोक सुरक्षित ठिकाणी हलवण्याकरता गेले असता त्यांना विजेचा शॉक लागला.
डॉक्टरांनी विजेचा शॉक लागलेल्या कामगारांना वाचवण्यासाठी शर्तीचे प्रयत्न केले तसेच सीपीआर देखील तातडीने दिला परंतु उपचारास प्रतिसाद देत नसल्याने पाच वाजता डॉक्टरांनी तिघांना मृत घोषित केले.
अभिषेक अजय घाणेकर (वय 25 )राहणार पुलाची वाडी डेक्कन,आकाश विनायक माने (वय 21 ) राहणार पूलाची वाडी डेक्कन, शिवा जिदबहादुर परिहार ( वय १८ ) नेपाळ. अशी मृत तिघांची नावे आहेत अशी माहिती पोलिसांनी दिली. तसेच सध्या जोराचा पाऊस सुरू असून पाण्यामध्ये विजेचे तारा तसेच अन्य उपकरणे दिसून येत नाही त्यामुळे काळजी घ्यावी असे आवाहन पोलिसांनी तसेच महानगरपालिकेने केले आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
12:55 25-07-2024
What's Your Reaction?