पाली पाथरट येथे बिबट्याच्या हल्ल्यात महिला गंभीर जखमी

रत्नागिरी : तालुक्यातील पाली पाथरट मावलतीवाडी येथे घराच्या बाजूला दबा धरून बसलेल्या बिबट्याने महिलेवर हल्ला केल्याची घटना गुरूवार 22 रोजी पहाटेच्या सुमारास घडली. या हल्ल्यात वृध्द महिला गंभीर जखमी झाली आहे. 

तिच्या डोक्याच्या मागील बाजूस बिबट्याची नखे खोलवर रुतली आहेत. इंदिरा शांताराम धाडवे (75, पाली) असे गंभीर जखमी झालेल्या महिलेचे नाव आहे. या प्रकाराने पाली परिसरात भीतीचे वातावरण आहे.

सविस्तर वृत्त असे की, इंदिरा या सकाळच्या सुमारास प्रातः विधीसाठी जात होत्या. यावेळी तेथे दबा धरून बसलेल्या बिबट्याने त्यांच्यावर हल्ला चढवला. अचानक झालेल्या हल्ल्याने इंदिरा यांनी आरडा ओरडा केला. यावेळी घरातील मंडळी बाहेर धावत आली. बाजूलाच असलेल्या त्यांच्या मुलाने चूलीतील लाकूड काढून बिबट्याच्या दिशेने धावल्याने बिबट्याने पळ काढला. जखमी इंदिरा याना लगेचच पाली येथील प्राथमिक आरोग्य केंद्रात दाखल करण्यात आले. तेथे डॉक्टरांनी प्राथमिक उपचाराला सुरुवात केली आहे.

दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
11:23 22-08-2024